SS Ameasa Presu Nesesidade Baziku

DILI, STLNEWS.co – Serka Sanitaria (SS) neebe establese iha Munisipiu Bobonaro, fo impaktu ba presu nesesidade baziku sae, influensia povu kiik neebe laiha rendimentu atu sosa.

“Durante Seka Sanitaria establese iha Munisipiu Bobonaro, halo movimentu transporte labele lao ba mai, tanba nee defikulta tebes ba presu nesesidade baziku sae makas iha Postu Administrativu Bobonaro no too iha Suku sira. Presu aas defikulta tebes povu kiik neebe laiha rendimentu atu sosa ba sustenta familia,” kestaun nee fo sai husi Xefi Suku Karabau, Manuel Noronha ba STL iha Colmera.

Autoridade lokal nee mos afirma liu tan katak, uluk fos nia folin sae makas tebes, maibe governu halo intervensaun iha baze ho folin $12,50 centavos no sasan neebe folin sae makas maka mina bimoli, halo komparasaun ho uluk mina 5 liter ho presu $4,50 centavos maibe agora sae ona $6 balun $7, mina 2 liter uluk nia folin $2,50 centavos, maibe agora sae ona $4, supermi uluk 6 dolar agora sae too $8, ida nee fo impaktu ba povu neebe laiha kbiit atu sosa.

Tuir Xefi Suku nee katak, folin nesesidade baziku sae makas, tanba maluk sira neebe faan sasan nee labele mai sosa iha pusat hanesan Dili ho Maliana, maibe labele tanba SS Movimentu transporte labele serkula ba mai hodi tula sasan sira nee ba too munisipiu.

Iha parte seluk reprezentante povu iha uma Fukun Parlamentu Nasional, Deputadu Noe da Silva hatutan, Serka Sanitaria no konfinamentu atu salva povu husi pandemia surtu Covid-19, maibe governu la kontrola folin sasan iha merkadu, fo espasu ba kompania aproveita Covid hodi hasae presu.

“Husu ba governu atu nafatin kontrola presu sasan iha merkadu, atu nunee labele fo impaktu ba povu kiik neebe laiha osan atu sosa, tanba moras mundiak ida nee halo ema labele sai ba buka osan,”dehan nia.*

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: