SS Iha Ermera, Loja Nain Labele Sosa Sasan Iha Dili

DILI, STLNEWS.co – Loja sira neebe faan sasan nesesidade baziku iha Munisipiu Ermera, labele mai sosa sasan iha Dili, ka kompania importador sira, tanba Munisipiu Ermera estabelese hela Serka Sanitaria (SS) hodi prevene povu husi pandemia surtu Covid-19 inklui variante Delta.

“Ami labele ba sosa nesesidade baziku iha Dili, tanba Munisipiu Ermera estabelese hela Serka, no iha Dili mos estabelese fali ona, Konfinamentu Obrigatoriu, tan nee dala ruma la autoriza ami atu ba sosa sasan iha Dili, maibe ami nia langanan iha loja sira nee bele lori mai to’o Ermera, soke nia presu mak sae oituan, tanba langanan lori husi Dili mak mai,” kestaun nee haktuir husi Diretora Kompania Buka Rasik, Eugenia Gomes ba STL, Sesta (27/08/2021) liu husi whatsApp.

Nia afima, nesesidade baziku neebe langanan sira lori mai to’o iha munisipiu nee, nia presu la hanesan, foos 25kg sira lori mai to’o iha nee ho presu US$ 13 balun US$ 13.50, faan tutan fali ba US$ 14, balun bele faan ba US$ 14.50, sedap mutin lori mai to’o iha nee US$ 7, faan tutan fali ba US$ 7.50, mina bimoli litru 2 US$ 2.50, faan tutan fali US$ 2.75, nia funan 0.25 centavos, mina litru 5 sira lori mai to’o iha nee ho presu US$ 5.50, faan tutan ba US$ 5.75, sasan folin diferente ba sosa rasik iha Dili, tanba sosa iha Dili presu ladun aas, maibe langanan sira lori mai faan iha nee folin aas tebes.

Tuir observasaun STL nian iha loja sira neebe lokaliza iha area Tasi tolu katak, Fos ho marka kabas mean 25kg nee ho folin US$ 13.50, sedap mutin dos ida ho presu US$ 6.75, sedap matak mos presu hanesan, Mina litru 5 ho presu US$ 5.75.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: