SS Implika Ekonomia Rai Laran

DILI, STLNEWS.co – Estabelesementu Serka Sanitaria (SS), implika ba aktividade ekonomiku rai laran hanesan kompania barak taka sira nia empreza, negosiante sira susar atu faan sasan, maluk sira neebe loron kalan pineira rai henek iha mota laran laiha rendimentu, no kondutores sira lakon servisu.

Ida nee fo ameasa boot ba vida moris sidadaun sira nian, no ema barak lakon servisu no halo ema barak mos lakon fiar ba ikun nain sira.

Kestaun nee fo sai husi Diretor Ezekutivu Luta Hamutuk, Jose Alves da Costa ba STL liu husi telefone, Sabadu (22/05/2021).

“Hau hanoin atividade sira nee atu lao normal fali maka ita bele estabelese Serka Sanitaria (SS), maibe atividade iha rai laran tenke lao normal, atu nunee povu bele book aan hodi buka moris, maibe kumpre nafatin regras husi Organizasaun Mundial Saude katak, nafatin uza maskra no distansiamentu sosial, buat hirak nee maka ita kumpre atu bele prevene aan husi Covid,” dehan nia.

Nia afirma liu tan, durante tinan barak nia laran, ekonomia iha rai laran monu, atu halo rekoperasaun maka desizaun governu nian tenke metin taka aeroportu, taka fronteira no governu bele implementa nia programa no projetu sira, hodi nunee bele kria fila fali kampu servisu. Labele hapara aktividade ekonomiku iha rai laran, governu foka ba dezenvolvimentu rai laran liu husi OJE 2021 no tuir mai hodi investe iha rai laran, liliu setor infraestrutura nomos setor turismu.

Atu nunee pandemia remata karik iha tinan oin, minimu Timor mos la mate liu ka la lao ba kotuk, maibe avansadu oituan ona ba oin, tan nee tenke dezenvolve setor agrikultura, peska tenke sai prioridade nafatin hodi asegura soberania ai han no laos seguransa ai han. Nunee TL labele depende demais hahan husi rai liur iha futuru mai.

Iha parte seluk Diretur Ezekutivu Servisu Rejistu Verifikasaun Emprezarial (SERVE), Florencio Sanches hateten, durante impase politik mai too sgora, ekonomia iha TL monu makas, empreza barak taka sira nia atividade, ho razaun nee maka sira la hetan rendimentu.*

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

MAP – FAO Identifika Suku 3 Afetadu Malnutrisaun

DILI, STLNEWS.co - Ministeriu Agrikultura e Peskas (MAP) servisu hamutuk ho Food and Agriculture Organization of the United Nations (FAO), nomos ministeriu relevante identifika...

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • PSA Vasina https://youtu.be/YnwLmcGBFOs Ministério dos Assuntos Parlamentares...

Ezekusaun Orsamentu Ajensia TIC Atinji 25%

DILI, STLNEWS.co - Diretor Ezekutivu Ajensia Teknolojia Informasaun no Komunikasaun (IP-TIC), Roberto Caetano aprezenta relatoriu ezekusaun orsamentu ajensia nian ba Primeiru Ministru Taur Matan...
%d bloggers like this: