SS – KO Hamate Ekonomia

DILI, STLNEWS.co – Governu implemeta Serka Sanitaria (SS) no Konfinamentu Obrigatoriu (KO) hamate ekonomia, tanba atividade lalao relasiona ho Covid-19.

Tuir Xefe Suku Samalari, Rui Satorio Magno Sequeira hatete governu aplika SS ho KO, preokupasaun tebes ba komunidade roda ekonomia monu, oan oan laeskola edukasaun mate atividade publiku ruma, igreja mos taka lalos rai nain ba nia rain rasik inimigu mai buat kiik oan mos tauk hanesan inimigu mai ho forsa boot, halo povu hotu paniku.

“Ita nia komunidade iha Suku Samalari maioria moris vida agrikultura sira nia produtu labele asesu ba merkadu, tanba governu implementa serka sanitaria no konfinamentu obrigatoriu impaktu ba roda ekonomia monu, tanba lahetan rendimentu,” dehan Xefi Suku Samalari Munisipiu Baucau, Rui Satorio Magno Sequeira, ba STL liu husi via telefone (28/05/2021).

Normalmente hanesan xefe suku sempre hatoo ba komunidade sira tenke halo tuir regra Organizasaun Mundial Saude (OMS), programa. razaun hanesan nasaun ona lutu nasional neebe implementasaun serka sanitaria ida nee dala barak halo ema lakon fiar.

“Ita bele repete katak covid-19, bele dehan nakukun ou tidak jelas maka nee ita lahatene, kuandu povu hamalaha ona ita lei ka serka sanitaria mos komunidade larespeitu, fo espasu nafatin ba povu atu halao atividade loke merkadu, loke eskola, atu nunee hetan rendimentu povu labele hamlaha iha situasaun nee.

Hanesan Autoridade Lokal hatoo ba komunidade luta kontra Covid-19, fase liman beibeik, uza masakra, distasiamentu sosial, maibe labele haluha halo atividade agrikultura.

Tanba nee hahan sira nee hotu tenke hetan iha rai leten se enkunatu izola ita nia aan iha uma laran lasai bele hamlaha iha ita nia rai.

Nia informa liu tan katak, hanesan Autoridade Lokal sempre vizita komunidade sira nia fatin hatete ba sira ida neebe sira labele halo, maibe atividade neebe atu apoiu ba roda ekonomia bele halo naran katak osan laiha maibe hahan iha bele han atu nunee labele hamlaha iha situasaun difisil nee.

Rui dehan, produtu neebe ita produs ho simples no hetan osan lalais, maibe lafunsiu iha merkadu, tanba movimentu transporte lalao, ema seluk atu mai sosa ami produtu faan tutan mos tenke swap ho ida nee ema hotu tauk.

Reportajen: Joaninha Belo
Editor: Ekipa STL

LEAVE A REPLY

Please enter your comment!
Please enter your name here