SS, Kompania 105 Ameasa Taka

DILI, STLNEWS.co – Durante serka sanitaria (SS) iha kapital Dili, kompania 105 hatama pedidu ba Servisu Rejistu Verikasaun Emprezarial (SERVE) hodi husu atu taka sira nia atividade, husi total nee 17 deit mak taka duni sira nia atividade, razaun sira la hetan rendimentu, no kompania 17 neebe taka ona nee mesak kompania internasional.

“Kompania 105 neebe hatama pedidu ba SERVE atu taka, husi total nee kompania internasional 17 mak taka ona sira nia atividade, ho razaun impase no Covid ameasa, sira laiha osan atu selu rai neebe sira aluga, no selus traballador neebe durante nee servisu iha sira nia kompania, tanba nee obriga kompania internasional 17 mak taka sira nia kompania, no Timoroan neebe hatama pedidu atu taka nee menus husi 25%, tanba nee ami kontinua apela ba Timoroan labele taka imi nia kompania, maibe bele taka deit mak atividade, tanba Timoroan mak nain ba rai ida nee,” dehan Diretor Ezekutivu SERVE, Florencio Sanches ba STL liu husi telefone, Domingu (02/05/2021).

Nia mos afirma liu tan katak, SERVE apela bebeik ona ba kompania Timoroan sira, tanba Timoroan sai hanesan nain ba rai ida nee, tanba nee ahi matan kompania nian labele hamate, sebele taka provizoriu deit atividade, maibe kompania labele taka, no sertidaun neebe mate iha tempu serka sanitaria nee SERVE konsidera dokumentu sira nee moris nafatin hela too serka sanitaria nee ramata, atu nunee labele halibur malu mai halo renova ka legalizasaun iha SERVE.*

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: