Subsidiu Ba Estudantes Seidauk Ezekuta

DILI, STLNEWS.co – Subsidiu neebe aprova iha Parlamentu Nasional, hodi fo ba estudantes Universitariu sira too agora seidauk ezekuta.

Deputadu Bankada Fretilin, Joaquim dos Santos hatete, asuntu ida atu aprejenta ba komisaun permanente liliu ba Ministeriu Finansa ho Ministeriu Ensinu Superior Siensia no Kultura (MESSK), kona ba subsidiu ba estudantes sira.

“Kona ba subsidiu neebe uluk ita ba aprova iha Parlamentu Nasional hodi fo ba estudantes iha universitariu sira, too ohin loron hau simu lamentasaun katak, osan neebe maka ita aprova nee seidauk ezekuta, tanba nee hau husu ba komisaun edukasaun atu ba fiskaliza prosesu nee ho kumprimentu da lei, tanba sa maka lakumpri lei nee” dehan Deputadu Joaquim iha plenaria, Tersa (20/07/2021).

Nia kestiona, tanba sa maka lakumpri lei neebe Parlamentu Nasional aprova, lamentasaun mosu barak-barak, liu ona ona fulan haat ka lima nia laran seidauk ezekuta nee problema saida.
“Hau hanoin komisaun kompetente interven hela ninian fiskalizasaun para hatene problema iha neebe para ita bele rezolve,” dehan Joaquim.

Iha Fatin hanesan, Prizendente Parlamentu Nasional, Aniceto Longinhos Guterres Lopes dehan, durante komisaun Permanente funsiona, komisaun espesializada sira labele fiskalizasaun.

“Maibe komisaun permanente nee maka bele halo fiskalizasaun, portantu orsida iha proposta ruma membru komisaun permanente sira prepara planu para atu fiskalizasaun, tanba komisaun permanente maka bele halo akompanamentu ba atividades sira hotu governu ninian,” katak nia.

Nia haktuir, komisaun sira servisu ba ida neebe maka hetan autorizasaun husi plenaria kona bat rata lei sira nee maka funsiona.*

Reportajen: Natalina Lopes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: