Suku 70 Seidauk Asesu Eletrisidade, Akara: Tinan Nee Governu Rezolve

DILI, STLNEWS.co – Governu sei tau importansia ba Suku 70 resin neebe too agora seidauk asesu ba lina eletrisidade, no orsamentu governu preve ona liu husi orsamentu tinan ida nee nian.

“Hau hanoin Suku atus hat resin nee, maioria maka asesu ona lina eletrisidade no tuir lista neebe iha, hela deit Suku 70 resin maka too agora ahi sei dauk tama, tanba nee governu sei fo importansia, tanba orsamentu preve ona iha 2021 nian,” kestaun nee fo sai husi reprezenatne Governu, atual Sekretariu Estadu Komunikasaun Sosial Mericio Akara (SEKOMS), iha Parlamentu Nasional.

Nia afirma, prosesu tekniku lao hela, hanesan iha Same Mertutu kompania sira halo hela instalasaun, tanba nee Suku sira neebe tama iha planu prioridade tinan ida nee nian, governu sei buka atu rezolve, tan nee suku 70 resin neebe eletrisidade seidauk tama nee governu esforsu.

Iha fatin hanesan, Deputadu Alexandrino Cardoso hatutan, problema eletrisidade too agora nafatin sai preokupasaun ba povu iha area remotas, tanba nee husu ba governu atu buka solusaun ba povu nia halerik sira nee.

“Ita preokupa tanba eletrisidade iha suku balun finaliza ona tinan tolu ou hat ona, maibe too agora ahi nee seidauk bele lakan, no bain hira finaliza obra nee, kompania konsege halo lakan kalan ida too loron, maibe mate fali too agora la lakan, tan nee atu husu deit problema nee iha neebe,” kestiona Deputadu nee.

Nia mos afirma liu tan katak, kestaun governu seidauk halo pagamentu ba kompania nee, buat ketak, ida nee bele rezolve ikus, no tenke tau importansia katak, povu hakarak naroman, tanba ahi iha suku dato rua no dato tolu finaliza tinan tolu ka hat ona, maibe ahi seisauk lakan too agora.*

Reportajen: Madalena Horta/Guilhermina Franco
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: