Suku 76 Seidauk Asesu Eletrisidade

Ministru Obras Publiku, Salvador Pires. (Dok. STL)

ERMERA, STLNEWS.co — Iha tinan 2021 governu sei aloka orsamentu hodi instala ahi eletrisidade ba suku 76, tanba komunidade iha suku hirak seidauk asesu naroman.

Dehan Ministru Obras Publiku, Salvador Pires bainhira akompana Prezidente Republika, Francisco Guterres Lú Olo, iha dialogu abertu ho komunidade sira iha Munisipiu Ermera, Kinta (19/11/2020).

“Agora 76 suku maka seidauk iha, agora ita halo uluk 34 suku, iha ermera numeru diza novi sukus iha ermera neebe maka la asesu ba linha eletrisidade ita atu tau uluk tolu, tanba fazedamente ita atu tau uluk 34 total iha teritoria tomak ermera hetan tolu, depois iha 2022 ita halo fali restante,” hatete MOP Salvador.

Governante nee hatutan, daudaun nee governu investe hodi tau estasaun eletrisidade iha Aileu no Ermera hodi normaliza tiha karga hodi fornese eletrisidade ba Aileu no Ermera.

Tanba tuir nia katak, uluk governu tuan la halo ida nee agora mai sei investe ida nee, iha 2021 halo ida nee hodi normaliza karga hodi fornese ba komunidade sira nee, melloramentu dizitalizasaun ida nee presiza halo husi Dili.

“Ba eletrisidade ami kontinua halo manutensaun iha Ermera ho Aileu munisipiu hotu – hotu iha substasaun so aileu ho ermera maka laiha substasaun, ermera no aileu nee presiza tau substasaun nee presiza,” nia hatutan.

Ministru nee afirma dizitalizasaun presiza atu halo tanba tuir estudu, padraun linha distribuisaun infranstrutura iha timor nee la tuir padraun internasional.

Nunee mos estudu neebe halo iha 2015 no 2018 durante nee nia halo pronusiu, tanba sira tenta halo manutensaun hare semana semana, no taka ahi hodi monta fiu sira nee, redus duni nia avarias, maibe avaria sei iha duni, entaun estudu sira nee loos duni.

Nia rekonese, komunidade barak maka sei iha difikuldade kona ba asuntu infrestrutura baziku sira, maibe governu kontinua esforsu hodi resolve faze pur faze, nunee iha tinan 2021 nee espesifiku ba bee moos, iha Ermera iha ona planu atu hadia estasaun bee neebe balun la funsiona ona. *

Reportajen: Emerenciana Pinto
Editor: Carme Ximenes

LEAVE A REPLY

Please enter your comment!
Please enter your name here