Suku Buruma Familia Agregadu Hamutuk 3.818 Simu Sesta Bazika

Xefe Suku Buruma, Liborio dos Santos Freitas. (Foto: STL/Tomas Reis)

BAUCAU, STLNEWS.co – Suku Buruma, Postu Adiministrativu Baucau Vila, familia agregadu total hamutuk 3.818 simu sesta bazika husi Sentru Logistiku Nasional (CLN).

Informasaun nee hatoo husi Xefe Suku Buruma, Liborio dos Santos Freitas ba STL, iha nia knaar fatin Sede Suku Buruma, Kinta (18/02/2021).

“Benefisiariu husi aldeia Kasmutu atus hitu rua nulu resin lima, total benifisiariu husi aldeia Ono-sere rihun ida atus rua rua nulu resin lima, husi aldeia Suliua benifisiariu hamutuk rihun ida atus haat lima no husi aldeia Tasi hamutuk atus haat neen nulu resin tolu,” dehan Liborio.

Liborio hatete, liga fila fali ba $200 neebe mak uluk governu implementa bazeia ba kada uma kain sura mak familia agregadu no iha momentu neeba membru nain hira mak hamutuk iha uma ida la sura. Iha momentu neeba lista agregadu, neebe mak hetan aprovasaun husi ministeiru relevante total hamutuk atus ualu neen nulu (860).

Nia hatutan, iha momentu neeba agregadu familia balun lahetan tamba salariu vensementu $500 no balun la simu tamba simu fali iha suku seluk no munisipiu seluk, tamba covid-19 komunidade labele halo movimentu.

“Ita nia total uma kain iha mudansa hamenus tiha too atus ualu tolu nulu deit mak simu iha suku Buruma, tolu nulu labele simu iha Buruma tamba razaun hanesan hau dehan sira simu iha munisipiu seluk no suku seluk” katak Liborio dos Santos.

Liborio hatutan, akontese iha munisipiu seluk hanesan ema nain sanulu (10) hamenus ba ema nain hitu (7) ou neen (6) akontese duni iha suku Buruma, tamba dala ruma iha uma kain balun mak la rezista nia membru familia iha laran.*

Reportajen: ESTTO.V
Editor: Ekipa STL

LEAVE A REPLY

Please enter your comment!
Please enter your name here