Sulan Povu Ekonomia Familia Importante, Vida Humana La Sosa Ho Osan

DILI, STLNEWS.co – Governu estabelese Estadu Emerjensia (EE), Serka Sanitaria (SS) no Konfinamentu Obrigatoriu (KO), hodi sulan povu iha uma, tanba governu hakarak prevene povu husi pandemia surtu Covid-19, maske ekonomia familia importante tebes iha situsaun ida agora nee, maibe vida humana mos importante, la sosa ho osan, tanba nee desizaun neebe governu foti la sala.

Kestaun nee fo sai husi reprezentante povu, iha uma fukun Parlamentu Nasional (PN), Deputada Josefa Preirra ba STL, Kinta (02/09/2021) iha PN.

“Hau hanoin estabelese KO hodi sulan povu iha uma, fo impaktu tebes ba ekononia familia loron – loron, maibe ema nia vida la lori osan hodi sosa, tanba nee ita moris mak sei bele buka, maibe matan taka ona osan mos la vale ona, tanba nee vida ema humana importante tebes,” dehan Deputada Josefa.

Nia dehan, haree ba moras iha rai laran, loron ba loron kontinua aumenta, tanba nee mak governu estabelese KO, atu salva povu husi moras nee, tanba nee husu ba povu tomak atu fo importansia ba saude, duke ekonomia, bainhira sei moris mak ekonomia sei bele buka, maibe kuandu matan taka ona osan sira neebe buka nee la vale ona, la lori, tanba nee importante mak hetan ba han ho menu nian labele mamuk.

Iha fatin hanesan Deputadu Domingos de Carvalho hatutan, governu kontinua limita atividade povu nian, liu – liu KO hodi sulan povu iha uma, maibe la kria kondisaun ba povu, oinsa povu kiik sira neebe durante nee moris depende ba vida negosiu.*

Reportajen: Madalena Horta/Natalina Lopes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: