Taka Empreza, Dezempregu Aumenta

Prezidente CCI-TL, Oscar Lima. (Foto: Facebook)

DILI, STLNEWS.co – Setor privadu hasoru defikuldades iha situasaun pandemia surtu covid-19. Tanba problema finanseru, kompania tenke taka, rejulta numeru dezempregu rai laran aumenta.

Tuir Prezidente CCI-TL, Oscar Lima dehan, durante iha situasaun covid-19, impase politika, neebe dada lori tempu naruk. Parte setor privadu hasoru defikuldade ba finanseru,neebe atu selu ba ninia traballador sira.

Bainhira laiha osan, oinsa atu selu traballador sira, entaun laiha dalan seluk, ikus mai kompania tenke iha dalan taka, se loke nafatin, oinsa kada fulan bele selu traballador sira neebe servisu iha kompania sira nee, durante nee,setor privadu sira infrenta problema ida nee.

“Hau hanoin osan laiha nee problema ona,tanba fulan-fulan ita selu funsionariu nee osan nee uituan,maibe osan nee sai deit,laiha atividades ekonomia,hodi osan nee tama fila-fali,ho ida nee empreza nee hakarak ka lakohi empreza nee tenke taka, laiha dalan se nia iha kapital seim mil,selu nia traballador osan nee hotu tiha,nee taka ona,nomos labele halo buat ida,tanba atu lori saida mak selu ninia traballador sira,nee hau hanoin dalan at liu mak taka,ami lakohi atu taka,no sempre fo korazen ba malu,maibe balun dehan labele ona,tenke taka,maibe agora sentu e tal kompania mak taka ona,maibe foin dadaun nee seidauk iha informasaun didiak,empreza boot internasional ida,loron hira nian laran komesa taka ona,” dehan Oscar ba STL iha nia knar fatin Comoro Dili Kinta (22/10/2020).

Prezidente CCI-TL, Oscar sublina, empreza boot internasional agora komesa taka,ida nee sei fo influensia boot,tanba numeru dezempregu aumenta,nomos influensia ekonomia iha rai laran,tanba kompania sira laiha finanseru,oinsa atu kontinua nafatin sira nian atividades negosiu iha rai laran,maske sira fo hanoin ba malu,maibe se kompania nee rasik laiha ona kapital,depois too fulan lori saida mak atu selu fali traballador sira.

“Ita hatene katak,se kompania nee taka,influensia mos ba traballador sira neebe mak servisu,tanba ema sira nee lakon ona servisu,se sira kontinua servisu nafatin,maibe kompania laiha osan atu selu sira,tanba nee,kompania desidi,diak liu taka,se ita loke nafatin mos tenke iha kapital. Hau hanoin problema ida nee mak ami setor privadu infrenta durante nee, “nia dehan.

Iha parte seluk, Direitor Ezekutivu SERVE, Florencio Sanches, hateteiha fulan Setembru no Outubru nian laran, kompania nasional no internasional hamutuk 10 resin mak taka ona, tanba problema finanseru,se kompania nee taka ona, fo impaktu mos ba Timor oan neebe servisu iha kompania ida nee,durante nee, parte SERVE nia husu ba kompania sira nee, diak liu taka atividades,duke taka kompania, maibe labele sira hakarak taka kompania.

“Hau hanoin iha fulan Setembru no Outubru nian laran,kompania nasional no internasional hamutuk 10 resin mak taka ona,maske parte Serve husu sira atu taka deit atividades, maibe sira hakarak taka kompania,” tenik nia.*

Reportajen: Jacinta Sequeira/Madalena Horta
Editora: Ekipa STL

LEAVE A REPLY

Please enter your comment!
Please enter your name here