Membru Governu Tenke Seriu Fo Atendimentu Ba Populasaun Iha Situasaun Emerjensia

DILI, STLNEWS.co – Membru governu, lideradu husi Primieru Ministru (PM) Taur Matan Ruak ohin Kinta Feira nee halao sorumutu iha edifisiu Ministeriu Finansas Aitarak-Laran, hodi halo evaluasaun ba atendimentu governu nia ba populasaun sira, liu liu iha situasaun emerjensia nia laran. Xefe governu nee mos husu nia ajudante sira tenki servisu hamutuk, para responde lalais nesesidade populasaun sira nian.

Iha fatin hanesan, hafoin remata enkontru ba jornalista sira iha edifisiu Ministeriu Finansas Aitarak-Laran, Ministru Prezidensia Konsellu Ministrus (MPKM) Fidelis Leite Magalhães katak, iha sorumutu nee membru governu sira rona aprezentasaun husi Ministru Administrasaun Estatal (MAE) no Sekretariu Estadu Protesaun Sivil (SEPS), relasiona ho danus no estragus tanba kauza husi dezastre naturais, liu liu inundasaun neebe mak akontese iha loron Domingu loron 4 fulan Abril liu ba, nomos konaba sukoru sira neebe mak implementa iha loron 4 Abril hodi salva populasaun sira neebe mak afeta ba inundasaun nee, hanesan fo apoiu nesesidade importante sira bee, aimoruk, aihan, nomos apoiu sira seluk hanesan fasilita transporte para fornese nesesidade neebe komunidade sira presiza.

“Tanba nee hafoin rona tia aprezentasaun hirak nee, Primeiru Ministru Taur Matan Ruak sei orienta para membru governu sira tenki foku seriu wainhira halo atendimentu ba populasaun sira, ho nunee membru governu sira bele haree fila fali sira nia atendimentu neebe mak durante nee sira halao hodi apoiu no responde ba populasaun sira no prepara mos planu asaun nia ba oin,” dehan Ministru Fidelis iha edifisiu Minesteriu Finansas Aitarak-Laran, Kinta (15/04/2021).

Tuir nia, iha situasaun emerjensia governu tenke konjuga ho interese nasaun amigu sira neebe mak hakarak atu apoiu Timor Leste.Tanba nee governu presiza define didiak apoiu saida mak bele hetan husi nasaun amigu sira, nunee bele hatoo nesesidade neebe sira fo mai TL tuir saida mak populasaun sira presiza.

“Maibe atu realsa deit katak dadaun nee apoiu balun husi nasaun amigu sira nee to ona iha TL, no fokus bot neebe governu nee iha tempu inundasaun mak oinsa ita bele hetan vasina. Tanba wainhira inundasaun akontese no posibilidade moras Covid-19 nee bele hadaet lais, tanba nee governu presiza halo servisu neebe ho seriu para taka dalan, nunee moras nee labele daet ema barak liu tan,” nia dehan.

Tanba nee atu apoiu sira tuir pedidu governu Timor Leste nian, presiza tebes intervensaun husi parte relevante hanesan Ministeriu Negosiu, Estranjeiru, no Kooperasaun (MNEK) no Ministeriu Finansas (MF) tenke halo koordenasaun para apoiu sira nee bele kanaliza tuir planu neebe governu iha.

Reportajen: Alberto Menezes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Situasaun Covid-19, HNGV Kama Mamuk Barak

DILI, STLNEWS.co - Ho situasaun pandemia surtu Covid-19 neebe oras nee Timor-Leste hasoru, halo pasiente barak mak la mai halo tratamentu iha Hospital Nasional...

Familia La Simu Matebian LM Tara Aan Mesak, Teofilo: Hau Hein Rezultadu Investigasaun

DILI, STLNEWS co - Familia husi matebian Lebenita Madeira neebe deskonfia tara aan iha nia rezidensia Bebonuk nee sira la simu, tanba nee husu...

Rede Feto Triste, Feto Sai Vitima

DILI, STLNEWS.co - Rede Feto Timor Leste triste hodi asiste sitausaun realidade, neebe akontese halo feto sai vitima ba situasaun moris iha familia, liu...
%d bloggers like this: