Taur: Timor Leste Iha Osan

Primeiru Ministru Taur Matan Ruak hatete, oras nee dadaun Timor Leste iha osan, tanba nee seidauk halo levantamentu. (Media PR)

DILI, STLNEWS.co – Primeiru Ministru Taur Matan Ruak hatete, oras nee dadaun Timor Leste iha osan, tanba nee seidauk halo levantamentu.

“Ita dadaun sei iha hela osan tresentos i tal milhões ($ 300,000,000) tanba nee levantamentu seidauk halo, maibe kuandu presiza Ministeriu Finansa sei koordena ho Banku Central bele halo levantamentu osan para finansia ita nia OJE ba 2021 nia, tanba nee mak lalika fiar informasaun katak osan lamai Amerika sei lafoo nee,” dehan Xefe Governu ba jornalista, bainhira remata hasoru malu ho Prezidente Republika, iha Palasiu Prezidente Nicolau Lobato, Bairru Pite, Dili, Kinta (14/01/2021).

Primeiru Ministru hatutan, atu halo dezenvolvimentu premeiru mak tenke hatene uluk saida mak atu halo, depois tau osan hodi halo implementasaun.

“Dezenvolvimentu nee hanesan nee kuandu ita halo dezenvolvimentu primeiru ita tenke hatene ita halo saida, segundu ita tau osan terseiru mak ita implementa, orsamentu 2021 nee halo atividade 2021 nia kuandu komesa halo ita boot sira sei hatene alias diskusaun nee sei halo iha parlamentu serteza katak kada ministeriu ida hatene, no husu ministeriu sira tinan ida nee halo saida entau implementa osan ida nee, dala ruma ita hanoin ita hakarak halo ida nee halo kedas mesmu orsamentu laiha, orsamentu laiha ita labele halo maibe halo buat neebe mak planeadu” katak PM Taur.

Xefe governu afirma, OJE 2021 Foin hahu iha fulan Janeiru foin iha semana rua Ministru Finansas deskute, atu implementa tanba nee orsamentu ba tinan 2021 iha nee mak Orsamentu Jeral Estadu tinan 2021.*

Reportajen: Emerenciana Pinto
Editor: Carme Ximenes

LEAVE A REPLY

Please enter your comment!
Please enter your name here