Taxa Ezekusaun Atinje Billaun US$ 1,062

DILI, STLNEWS.co – Taxa ezekusaun real Orsamentu Jeral Estadu (OJE) tinan 2021 to’o iha inisiu fulan daruak, trimestre dahaat, atinje ona billaun US$ 1,062 ka 52% husi total orsamentu billaun US$ 2,1. Taxa ezekusaun real ba programa Boa Governasaun no Jestaun Institusional, ezekuta ona millaun US$ 331,6 ka 72% husi orsamentu alokadu millaun US$ 458,6. Enkuantu taxa ezekusaun real ba kategoria programa esensial entidade sira nian ezekuta ona millaun US$ 731,2 ka 47% husi orsamentu alokadu billaun US$ 1,5.

Tuir komunikadu imprensa neebe STL simu iha loron Segunda nee (08/11/2021) katak, taxa ezekusaun real tuir kategoria despezas aas liu mak iha kategoria transferensia publika 82%, tuir kedan ho salariu no vensimentu 72%, bens no servisus 41%, kapitál menor 19%, kapital dezenvolvimentu 12%, no despezas kontinjensia 2%.

Ezekusaun fundu Covid-1𝟗, fundu espesial Covid-19 to’o iha Kinta-feira loron 4 fulan Novembru tinan 2021, nia ezekusaun real atinje ona millaun US$ 117,7 ka 41% husi total orsamentu retifikativu alokadu millaun US$ 287,6.

Mudansa iha persentajen nee tanba foin lalais Ministeriu Finansas ezekuta ona pagamentu suplementu remuneratoriu ba pesoal lina-frente Polísia Migrasaun, SIJK no PNTL. Tuir projesaun taxa ezekusaun real fundu Covid-19 to’o iha fulan Dezembru nia rohan sei atinje 66% kompara ho tinan kotuk 58%.

Ezekusaun iha parte reseitas domestika to’o iha Kinta-feira loron 4 fulan Novembru tinan 2021 atinje ona millaun US$ 126,9 ka 68% husi total estimativa reseitas millaun US$ 187,1.

Ezekusaun iha nivel munisipiu, taxa ezekusaun OJE tinan 2021 iha nível munisípiu hatudu progresu diak tebes. To’o iha inisiu fulan Novembru tinan 2021, iha munisipiu lima (5) mak hatudu progresu ezekusaun neebe diak, hanesan Munisipiu Lautem (71%), Manufahi (64%), Ainaro (63%), Covalima (63%), no Manatuto (62%). Progresu ezekusaun neebe diak sei kontinua fasilita polítika servisus desentralizasaun husi VIII Governu Konstitusionál neebe lidera husi Ministériu Administrasaun Estatal.

Iha OJE tinan 2021, governu hahu implementa orsamentu pur programa ho forma kompletu – tranzisaun ida husi orsamentu pur item, neebe mak implementa dezde Timor-Leste restaura nia independénsia tinan 19 liuba.

Orsamentasaun pur programa hanesan instrumentu ida atu garantia katak, osan sira kada tinan governu foti husi fundu minarai, kobransa impostu husi kontribuintes no emprestimu husi doador sira fo duni benefisiu ba povu, hadia kualidade prestasaun servisus publiku hodi alkansa metas neebe mak governu aprova ona.

(mad)

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 4 Dezembru: Kazu Pozitivu 1 & Rekuperadu Nain 1

DILI, STLNEWS.co - Ohin loron, Sabadu (04/12/2021), Kordenadora Jeral Surtu Covid-19, Ministeriu Saude Timor Leste deteta tan kazu pozitivu ida (1) no rekuperadu nain...

PR Periodu 2022-2027 Presiza Tau Interese Ba Estadu & Povu TL

DILI, STLNEWS.co - Prezidente Republika (PR) ba periodu tinan 2022-2027 atu ukun husi se deit presiza mak tau interese ba estadu no povu Timor...

Lidera Enkontru G7+ Iha Lisboa, Xanana Kontinua Promove TL Ba Mundu

PORTUGAL, STLNEWS.co - Lider karismatiku Xanana Gusmão, nu'udar mos pesoa eminente g7+ kontinua promove Timor Leste ba mundu liu husi g7+, bainhira hamutuk ho...