Telemovel Samsung RAM4 Primeiru Lugar Iha Baucau

BAUCAU, STLNEWS.co – Telemovel android neebe kualidade diak hanesan Samsung ho spesifikasaun (specification) RAM4 ba leten nia folin sai primeiru lugar iha Fone Haus Baucau.

“Folin liu mak samsung kualidade diak RAM4 ba leten sira bele sosa ho Realme no Oppo sira nee mos folin maibe la duun,” dehan Supervisor Juviana da Piedade Freitas ba STL iha nia knaar fatin, Fone Haus Vila Antiga Baucau, Sabadu (04/09/2021).

Nia hatutan, sosa telemovel android hirak nee, maioria husi estudante deit, tanba balun uza ba kompetisaun PUBG Mobile, tanba atu tuir kompetisaun ba PUBG Mobile nian, tenke uza telemovel neebe RAM diak.

Folin telemovel neebe mak faan iha Fone Haus Baucau, kasir sira la hasae telemovel nia presu, tanba bainhira hasae telemovel nia folin bele fo impaktu ba kompradores sira muda hanoin sosa fali iha fatin seluk.

Telemovel neebe mak folin tuun oituan mak telemovel Mind RAM3, maibe fo mos anti gores casing nunee ema bele sosa.

Supervisor nee konta, ema hirak neebe mak sosa telemovel barak, numeru barak mak estudante, profesores, nomos funsionariu. Kada fulan ida halo movimentu ba Dili dala rua foti stock telemovel neebe mak menus iha armazen Fone haus Baucau.

Ligadu ho Serka Sanitaria (SS) iha Munisipiu Baucau, supervisor Fone Haus nee kontente, tanba sosa nain sira la bele ona ba Dili sosa telemovel iha neeba, maibe sosa hotu iha Fone Haus Baucau nian.

Husi fulan Agostu to’o fulan Setembru tinan nee, Fone Haus Baucau faan telemovel android ho marka Samsung RAM4, total hamutuk haat nulu resin.

Iha fatin seluk loja telemovel nain Andre Sanjaya hatete, telemovel neebe mak nia faan folin liu mak, telemovel Samsung, Oppo no Realme.

Telemovel hirak nee, maioria husi idade 18 ba leten mak sosa, razaun nia konta tuir estudante neebe mak sosa nia telemovel atu asesu iha aula online no mos halimar PUBG Mobile.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: