Telkomcel Realiza T-Pay Suporta Banku Sentral

Manager Digital Service Telkomcel, Sesaltina Jannet. (Photo: STL News/Natalina Lopes)

DILI, STLNEWS.co – Telkomcel realiza T-Pay para suporta Banku Sentral, liu husi Banku Sentral nia relatoriu katak, sei iha povu barak maka seidauk sente saida maka Financial Inclusion, tanba nee maka Banku Sentral nia inisiativa ho solusaun karteira elektoniku.

“Objetivu prinsipal husi T-pay ida nee primeiru ami hakarak atu suporta ba Banku Sentral, liu husi Banku Sentral nia relatoriu maka hatoo katak, agora dadauk ita sei iha povu barak maka seidauk bele sente saida maka financial inclusion, katak tanba nee inisiativa husi Banku Sentral nia relatoriu katak solusaun ida maka ho karteira elektroniku (e-Wallet), entaun Telkomcel iha misaun ida neebe hakarak atu sai King of Digital bele suporta ho inovativu digital ida nee,” lia hirak nee hatoo husi Manager Digital Service Telkomcel, Sesaltina Jannet, ba jornalista sira iha Timor Plaza, Sesta (28/08/2020).

Nia haktuir tan, tanba nee lansa ona karteira elektroniku para bele komesa cashless no para bele hamenus risku hanesan agora dadaun iha osan falsu, depois la presija hanoin barak kuandu haluhan karteira, presija los deit maka osan neebe iha ona karteira elektroniku.

“Ami nia mehi mos husi karteira elektroniku ida nee, ba oin buat hot-hotu pagamentu online bele halo ona liu husi karteira elektroniku ida nee,” katak nia.

Nia salienta, esforsu barak maka Telkomcel sei halo primeiru tanba agora dadauk presija edukasaun barak, presija iha sosializasaun barak halo nusa atu muda hanoin ba buat sira neebe maka antes nee manual ba digital, ida nee hatene katak challenge ida oinsa atu hatudu katak nia benefisiu rasik, no nesesidade neebe maka primeiru iha ita nia aan, ezemplu hanesan sosa pulsa EDTL, karik pulsa kalan boot hotu derepenti sei hein too dadersan, entaun hakarak ho karteira elektroniku ida nee ho servisu diak ho EDTL no governu ba oin, pelumenus ida hanesan nee sira bele halo ona.

“Depois esforsu seluk neebe maka ami hakarak atu halo dehan, ita hetene katak presija barak transfere husi rai liur mai agora dadauk ita sei forma naruk maka foin foti osan sira nee, nunee mos atu transfere ba rai liur iha kustu neebe maka boot, nomos fatin sira neebe ita asesu atu halo transferensia nee sei oituan, entaun ami hakarak ho karteira elektroniku (e-Wallet), liu husi lina neebe maka telkomcel iha suku hot-hotu, no munisipiu sira hotu, ami bele aproveita fali jaringan ida nee, uza husi e-Wallet nee para halo transaksaun finanseiru ida nee.” dehan Sesaltina Jannet.

Reportajen: Natalina

Editor: Ekipa STL

LEAVE A REPLY

Please enter your comment!
Please enter your name here