DILI, STLNEWS.co – Governu tenki kontrola ema estranjeiru neebé halo negosiu liu husi online ka merkadu online, no sira la hetan lisensa husi SERVE, serake Timor oan barak mak trata lisensa hafoin halo negosiu.
“Hau husu ba governu kontrola negosiu online, tanba agora nee ema barak mak uza media sosial hodi halo negosiu, liu-liu ema estranjeiru sira nee, tanba negosiu online laiha lisensa mak nia sei la selu taxa ba governu, serake Timor oan barak mak trata lisensa negosiu husi SERVE, no atu labele taka dalan mak governu tenki kontrola,” kestaun nee fo sai husi feto Emprezarial Rosa Alves ba STL, Sabadu (01/04/2023) liu husi telefone.
Nia katak, governu tenki kontrola, se lae taka dalan ba Timor oan sira, liu-liu ema sira neebe hetan ona lisensa atu halo negosiu, tanba iha media sosial ema estranjeiru barak mak halo promosaun ba sira nia produtu, serake ema sira nee dala ruma laiha sertifikadu, tan nee diak liu governu halao nia knaar kontrola negosiu online.
Iha parte seluk, reprezentante povu iha uma fukun Parlamentu Nasional, Deputada Olinda Guterres hateten, nee knaar governu nian atu halo kontrola.
“Karik publiku kestiona konaba negosiu online mak governu tenki halao nia knaar hodi kontrola iha baze neebe mak halo negosiu legal no ilegal,” dehan deputada nee.
(mad)
