Termina 2021, EUA Sei Apoiu Aviaun

Embaixador EUA ba TL, Kevin Blackstone. (Foto: STL/Alberto Menezes)

DILI, STLNEWS.co – Estadu Unidus Amerika (EUA) iha komitmentu apoiu tan aviaun ida neebe dadaun faze kontrusaun lao ona sei termina iha tinan 2021, nomos sei apoiu rehabilitasaun pista aeroportu Baucau, no sei fo apoiu orsamentu husi EUA tokon US$ 10 hodi halo rehabilitasaun aeroportu Baucau.

“Hau hakarak hateten ba ita boot sira Estadus Unidus prepara hela aviaun ida neebe atu oferese ba Timor Leste nee agora dadaun iha hela konstrusaun, se kuandu konkorda ona sei haruka mai Timor Leste iha finde anu, tinan nee nia rohan,” dehan embaixador EUA iha TL Kevin Blackstone bainhira sorumutu ho Primeiru Ministru Taur Matan Ruak iha Palasiu Governu, Kinta (25/03/2021).

Aleinde ida nee Charles informa mos prioridade rehabilitasaun pista Aeroportu Baucau ba PM Taur, no sei fo apoiu orsamentu husi EUA tokon US$ 10 hodi halo rehabilitasaun.

Nia dehan, iha momentu neeba dialogu defeza bilateral iha area defeza, estadus unidus aprova TL nia pedidu ida nee, entaun apoiu tokon US$10, apoiu ba rehabilitasaun aeroportu Baucau nian sei harii armajen ida hodi tau kareta, hafoin ida tan fornese aviaun ida atu TL halo patrullamentu ba ninia area maritima.

Nia hatutan, programa asistensia ida nee iha ambitu kooperasaun sinkroniza boot apoiu neebe Australia fo mai konaba apoiu ró patrullamentu neebe seidauk fo mai, entaun programa rua nee sinkroniza ba malu.*

Reportajen: Claudios de Jesus
Editora: Domingas Gomes

LEAVE A REPLY

Please enter your comment!
Please enter your name here