Tetu OJE 2022 Billaun US$1.5, Define Prioridade 6

DILI, STLNEWS.co – Sosiedade Sivil apresia ho VIII Governu iha jornada Orsamentu Jeral Estadu (OJE) 2022, ho tetu billiaun US$1.5, neebe define prioridade ba programa 6, neebe liga ba povu nia moris

Tuir Daniel Santos do Carmo, Diretor Ezekutivu FONGTIL hatete, Governu TL tama hikas ba preparasaun orsamentu hodi kontinua misaun ba libertasaun povu husi kiak no mukit. VIII Governu hahu diskusaun ba iha jornada orsamentu ba Orsamentu Jeral Estadu 2022, ho tema kualidade orsamentu, kresimentu inkluzivu no sustentável.

Natureza iha debate jornada orsamentu mak atu define prioridade nasional ba tinan fiskal. Dezafiu komum sira neebe nafatin hetan atensaun masimu husi diskusaun mak hanesan Covid-19, inundasaun, no rai monu.

“Iha jornada orsamental ba OJE 2022, ho tetu orsamentu fiskal billiaun US$1.5, define ona programa preoritarius 6, kapital sosial (edukasaun, formasaun profissional no saude), abitasaun no inkluzaun sosial, setor produtivu (Agrikultura, Turismu, ambiente no konektividade), dezenvolvimentu setor privadu, dezenvolvimentu rural, no governasaun,” katak Daniel Santos do Carmo liu husi konferensia imprensa Kinta nee (08/07/2021) iha FONGTIL, Caikoli.

Nia dehan, haree ba nee sosiedade sivil apresiasia tebes ba sensieridade Governu nian, neebe mai duni ho fundamentu, kapasidade iha analize kontekstual no situasaun TL nian, bele identifika setor preoritarius neebe aserta duni ba nesesidade no dezafiu povu ba no sustentábilidade TL.

“Fiar katak ho definisaun programa prioridade ba tinan 2022, sei tulun atu hadia ita nia edukasaun ho kualidade, ita enfrenta dezafius iha prosesu dezenvolvimentu edukasau, infraestrutura eskola, kurrikulu, kualidade no kuantidade profesores, matéria aprendizajen no fasilidade seluk”, tenik nia.

Nia dehan, sai defisil liu tan ho situasaun Covid-19 iha tinan 2 ikus, neebe destrói kalendariu akademiku, obriga tenke suspensaun ba aulas no ezame, halo Timor oan sira labele hetan oportunidade diak atu dezenvolve konesementu no abilidade. Ho dezafius setor saúde nudar programa prioridade iha OJE 2022, sei tulun Timor oan sira atu asesu, prestasaun servisu diak no besik iha sira nia hela fatin, hetan konsulta tratamentu regular husi mediku no parteira profissional, liu-liu ba labarik no inan isin isin rua, hadook Timor oan husi moras sira inklui covid.

Enkuantu, iha aspetu bee mos no saneamentu, sei tulun família sira hotu asesu ba bee mos neebe seguru, no sustentável liu husi hadia infraestrutura bee mos no sanementu hodi garante distribuisaun bee mos ba ema hotu.*

Reportajen: Guilhermina Franco/Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: