Timor Oan Komesa Taka Kompania

Diretor Ezekutivu SERVE, Florencio Sanches. (Foto: STL/Jacinta Sequeira)

DILI, STLNEWS.co – Servisu Rejistu e Verifikasaun Emprezarial (SERVE, I.P.) simu tan pedidu husi kompania internasional neebe atu taka kompania, maibe dadaun nee Timor oan sira hahu menus taka sira nia kompania.

Tuir Diretor Ezekutivu SERVE, Florencio Sanches, dehan, husu ba kompania labele taka, maibe taka deit atividades, ida nee mak kapas, agora numeru lolos mais ou menus 10 ba leten, ida nee mak parte SERVE simu hela, maioria sira neebe mak taka totalmente, no lakohi atu loke fila-fali, nee kompania internasional, nomos sosio internasional sira numeru foun iha nafatin, nee sei iha indikasaun nafatin.

Too iha loron 28 fulan Fevereiru, kompania neebe rejistu foun tama nafatin, maibe iha mos kompania balun neebe mak husu pedidu atu taka, maioria kompania sosio internasional sira, neebe mak husu iha SERVE atu taka kompania, maibe husi numeru ida nee Timor oan sira komesa hamenus ona taka kompania, ida nee mak halo ita kontenti, tanba Timor oan mak nain ba rai ida nee, prosesu tomak ida nee, maibe atu taka kompania halo ita triste, entaun intervensaun neebe SERVE halo liu husi media, atu nunee ita nian emprezariu sira mos bele kompriende no labele taka kompania, maibe taka deit sira nian atividades,” dehan Florencio ba STL, iha nia knaar fatin, Tersa (16/03/2021).

Nia dehan, komunidade sira mos kompriende ona katak, se rejistu ofisial iha SERVE sei hetan sertifikadu, no sira iha direitu tomak atu asesu ba benefisiu hotu, neebe estadu iha, tanba benefisiu mak ida nee, nomos benefisiu ida seluk atu bele kompete, ida nee governu fo, benefisiu ida seluk atu bele asesu ba iha MSS ninia, benefisiu ida tan, iha direitu ka lae, se aban bain rua halo negosiu, maibe ninia lukru la too, entaun ida nee mos labele selu taxa.

“Hau hanoin benifisiu sira nee, dadaun ida nee numeru boot liu husi ita nian ama no tiu sira neebe mak iha munisipiu sira, hakarak duni atu asesu rejistu kompania, ida nee mak maioria 40%, ida nee mak ita kompete la halimar,” dehan nia.

Florencio sublina, bainhira taka ona kompania, nee mate no la moris ona, ho ida nee diak liu taka atividades, duke taka fali kompania, tanba taka ona kompania, nee labele halo moris fila-fali.*

Reportajen: Jacinta Sequeira/Blandina Mauno
Editor: Ekipa STL

LEAVE A REPLY

Please enter your comment!
Please enter your name here