Tinan 20 Ukun Aan TL Sei Depende Ba Importasaun

DILI, STLNEWS.co – Ukun aan tinan 20 ona, maibe too agora TL sei kontinua depende ba produtu importasaun husi rai liur.

Kestaun nee fo sai husi emprezariu lokal, Mateus da Costa ba STL, Segunda (18/04/2022) liu husi telefone.

“Ita ukun aan tinan 20 ona maibe produtu hotu hotu ita sei kontinua depende makas ba importasaun husi rai liur, liu-liu fos nomos produtu sira seluk, dependensia nee makas, tanba orientasaun governu nian la klaru, tan nee rai bokur barak sei kontinua abandona, ita la dezenvolve halo diak hodi hasae produsaun,” dehan nia.

Nia afirma liu tan, los nee tinan 20 ona TL ukun aan, fos sei la depende tan ba rai liur, tanba TL iha rai bolur barak, presiza deit tulun husi governu hodi ajuda agrikultur sira iha baze, maibe realidade neebe akontese, sesta baziku kahur malu ho produtu importasaun, liu liu foos, koto, fore keli, fore mungu, no produtu sira seluk TL sei kontinua depende, tanba Timor oan latene produz.

Iha parte seluk, reprezentante povu iha uma fukun Parlamentu Nasional (PN), Deputadu Marito Mota hateten, Timor Leste hanesan nasaun neebe depende makas ba produtu importasaun husi rai liur, tanba nee husu ba governu atu dezenvolve setor agrikultura iha rai laran.

“Tinan 20 ona TL hetan independensia, maibe too agora ita sei depende makas ba sasan importasaun husi rai liur, no hare ba TL nia kondisaun real, ita iha Potensial boot atu kuda produtu sira nee iha rai laran, maibe ita la halo durante nee, tanba nee maka buat hotu ita hare ba husi rai liur, no folin sae makas iha ema nia rai maka, iha TL folin tenke sae,” dehan Deputadu nee.

Nia katak, governu halo hela esforsu boot ida liu husi subsidiu atu apoiu povu kiik sira iha baze, tan nee governu sei fahe tan sesta baziku ba segundu faze nian, fiar katak ho programa sira nee bele ajuda povu kiik sira.

(len)

LEAVE A REPLY

Please enter your comment!
Please enter your name here

NEWS UPDATE

Numeru Konflitu Tuun Makaas Dezde Governu Desidi Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak hateten, dezde governu desidi reativa atividade Grupu Arte Marsiais no Arte Ritual, numeru konflitu iha...

Taur Apresia Esforsu SEJD-KRAM Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak agradese esforsu Sekretariu Estadu Juventude no Desportu (SEJD) no Prezidente Komisaun Reguladora Arte Marsias (KRAM ), neebe...

Sasin La Iha Konhesimentu Kazu Konstrusaun Armajen Foos

DILI, STLNEWS.co - Kazu konstrusaun armajen foos, Tribunal Distrital Dili kontinua rona sasin. Tanba nee, iha julgamentu kontinuasaun nee, tribunal rona sasin ho inisial MC neebe...