TL Adere Ba ASEAN, Governu Tenke Kria Kondisaun Setor Privadu

DILI, STLNEWS.co – Governu tenke prepara kondisaun neebe diak ba setor privadu bainhira Timor Leste adere ba Associação das Nações do Sudeste Asiatico (ASEAN – sigla Ingles).

“Hau hanoin TL atu adere ba ASEAN mak, governu tenke kria kondisaun neebe diak ba setor privadu, no investor sira neebe ajuda governu iha situasaun impase politik no pandemia Surtu Covid-19, tanba ekonomia TL atu lao ba oin, presiza kontribuisaun husi setor privadu no investor sira neebe ajuda ona governu,” kestaun nee fo sai husi emprezariu Timoroan, Joao Moniz ba STL, Sabadu (21/08/2021) liu husi messenger.

Nia afirma liu tan, tama ASEAN nia benefisiu diak tebes, maibe tenke prepara an antes, tanba nee merkadu livre, husu governu atu kria kondisaun neebe diak ba setor privadu sira neebe apoiu ona governu durante tempu difisil ida nee.

“Hau hanoin govenru tenke kria kondisaun neebe diak ba setor privadu Timoroan sira, atu nunee bele iha kapasidade neebe masimu hodi kompete bainhira TL adere ba ASEAN,” dehan Nia.

Tuir nia katak, problema neebe setor privadu sira hasoru barak tebes, tanba antes nee TL hasoru impase politika, agora mai tan fali Covid-19, problema rua nee halo setor privadu sira sai la forte, aleinde nee lei ba rai mos too agora seidauk los, problema sira nee hotu difikulta vida setor privadu nian.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: