TL – Australia Asina Akordu Apoiu Orsamentu Tokon US$ 15,5

DILI, STLNEWS.co – Ministru Finansas, Rui Gomes, ohin reprezenta ona governu Timor Leste ho reprezentante Embaixada Australia, Philippa Venning, asina ona akordu kontribuisaun finanseira direta ho montante tokon US$ 15,5 atu apoiu programa reziliensia komunitaria no rekoperasaun ekonomiku.

Tuir Ministru Finansas Rui Gomes hateten, kontribuisaun finanseira nee sei aloka diretamente ba komunidade sira atu kontinua apoiu projetu infraestrutura bazika neebe mak sei kria kampu traballu, oportunidade atu hetan rendimentu no hadiak liutan prestasaun serbisu ba família sira hotu komponente rekuperasaun hirak neee.

Reprezentante Governu nee katak, kontribuisaun finanseira nee sei aloka diretamentu ba iha sistema orsamentu governu no forma parte ida husi prosesu alokasaun orsamentu. Ida-nee hatudu Governu Australia nia konfiansa ba sistema neebe mak Governu Timor Leste kria ona no parte rua komprometidu atu serbisu hamutuk hodi hadiak liu tan.

“Hodi naran Governu Timor Leste, hau hatoo apresiasaun ba Governu Australia no Povu Australiana/u sira ba apoiu sira nee. Onra ida ba ami, hodi bolu ita boot sira hanesan ami nia parseiru ba dezenvolvimentu, ami nia vizinu no ami nia belun diak,” informa Ministru Finansas liu husi nia deskursu iha salaun auditorium MF, Sesta (04/06/2021).

Iha fatin hanesan Charge d’Affaires, Embaixada Australia, Philippa Venning, hateten, Australia orgullu tanba bele apoia Governu Timor Leste ho pakote resposta ekonómiku Covid-19 ho montante besik US$ 15,5 neebe diretamente apoiu komunidade iha Timor Leste atu rekopera husi impaktu Covid-19 ba ekonomia.

Tuir nia, Australia nia konstribuisaun neebe sira fo implementa iha Programa Nasional Dezenvolvimentu Suku no Bolsa da Mãe Jerasaun Foun hamutuk.

“Kontribuisaun Finanseira nee sei permite konstrusaun infraestrutura bazika foun iha suku 200 resin no fornese asistensia sosial kritiku ba inan isin rua no labarik sira hamutuk 40.000 resin iha Timor-Leste,” Embaixadora Interina nee konklui.

Entretantu, kontribuisaun finanseira faze daruak nee sei aloka ba Programa Nasional Dezenvolvimentu Suku (PNDS) hamutuk tokon US$ 10,5 no sei uza hadiak infraestrutura bazika sira hanesan estrada, moru, drainajen, bee moos, irigasaun, no klínika iha Suku 200 resin.

Restu tokon US$ 5 sei aloka ba programa Bolsa da Mãe Jerasaun Foun, hanesan programa asistensia sosial foun ida ba inan isin rua no labarik idade kiik neebe sei lansa projetu pilotu lansa iha Munisipiu Ainaro, Bobonaro no RAEOA ho benefisiáriu ema 40.000 resin. Programa nee nia objetivu mak atu redus mal nutrisaun no pobreza iha TL, ho nia alvu mak inan isin-rua inklui bebe idade zero too tinan rua.*

Reportagen: Alberto Menezes
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • Mensagen Avo Ramos Horta https://youtu.be/YPnLzaLb43E Ministério...

Odete: Pasiente Kuarentena Tasi-Tolu La Konkorda Desizaun MS Haketak Feto & Mane

DILI, STLNEWS.co - Ministra Saude, Odete Maria Freitas Belo afirma, fatin izolamentu Tasi-tolu, Ministeriu Saude (MS) koko atu izola feto ketak no mane ketak,...

Joven Baucau Komesa Hakribi Violensia

BAUCAU, STLNEWS.co - Kazu sivil neebe mak sempre mosu la sai preokupasaun estabilidade seguransa Munisipiu Baucau nian, tanba joven barak komesa komesa hakribi violensia. Lia...
%d bloggers like this: