TL Konsege Konsolida Demokrasia

Embaixador Brazil iha Timor-Leste, Aldemo Garcia optimista futuru Timor-Leste iha dalan neebe diak, tanba konsege halo konsolida ba demokrasia. (Foto: Media PR)

DILI, STLNEWS.co – Embaixador Brazil iha Timor-Leste, Aldemo Garcia optimista futuru Timor-Leste iha dalan neebe diak, tanba konsege halo konsolida ba demokrasia.

Dehan nia ba jornalista bainhira remata despedida ho Prezidente Republika Francisco Guterres Lú Olo, iha Palasiu Prezidente Nicolau Lobato, Dili, Bairru Pite, Kuarta (25/11/2020).

“Hau mos koalia ba Prezidente Republika (PR) Francisco Guterres Lú Olo katak, hau fila ho konfiansa no optimista boot ba futuru Timo Leste, tanba hau sente katak Timor Leste iha ona dalan neebe diak, tanba konsege halo ona konsolidasaun ba demokrasia,” dehan Embaixador Aldemo.

Nia hatutan, Timor leste halo konsolidasaun ba demokrasia, liu husi eleisaun no transferensia poder husi polítiku ida ba polítiku seluk no demokrasia liu husi eleisaun Parlamentar.

Tanba tuir nia katak, demokrasia liu husi eleisaun Parlamentar no Prezidensial ho susesu neebe reforsa liutan demokrasia neebe justu no trasparansia, liu iha sudeste aziatiku.

“Iha transferensia poder husi grupu polítiku ida ba grupu polítiku seluk, neebe ho forma pasífika no natural, entaun hau sente importante tebes,” dehan Aldemo.

Nia mos observa petroleu nee, kualker forma ba esplorasaun no lori pipeline mai TL ka transfere ba Darwin, nia mos iha hanoin desizaun saida deit mak governu Timor Leste iha ba esplorasaun GAS nee tenke feitu no rapidu, labele hein ba tempu naruk.

Presiza serbisu rapidu tanba tempu la ba dadaun ona, tanba nee TL tenke esplora lalais ho posivel rezerva boot petroleu ida nee.*

Reportajen: Emerenciana Pinto
Editora: Carme Ximenes

LEAVE A REPLY

Please enter your comment!
Please enter your name here