TL Sei Sai Uma Nain Ba Vizita Grupu Konsellu Diretoria ADB

DILI, STLNEWS.co – Governu Timor Leste apoiu husi misaun rezidente Banku Dezenvolvimentu Aziátiku (ADB-sigla Inglés) iha Timor-Leste, liu husi plataforma virtual, sei realiza vizita grupu Konsellu Diretoria ADB mai Timor-Leste iha fulan-Agostu 2021.

Liu husi press release neebe STL asesu iha loron Kuarta (16/06/2021) nee katak, reuniaun Altu-nivel ida nee sei serve hanesan oportunidade ida ba Diretór Ezekutivu no Diretur Ezekutivu Suplente sira husi Konsellu Diretoria.

Atu hatene diak liutan kona-ba esperiénsia dezenvolvimentu no nesesidade sira husi membrus país sei dezenvolve hela neebe mak sira vizita ba, no iha rejiaun, atu hatene diak liutan kona-ba ADB ninia atividades iha nia membrus país; no atu apresia oportunidade no limitasaun sira ba koordenasaun doadór.

Vizita altu-nivel ida-nee sei fasilita ofisiál sira husi ADB nia membrus país atu fó komentáriu kona-ba aspeitu dezenvolvimentu ne’ebé mak tama iha ADB nia área ba país uma-na’in.

Importante liután, vizita ne’e sei sai hanesan momentu ida ne’ebé úniku ba membrus Governu relevante atu hametin liutan sira nia relasaun ho ADB atu apoiu Timor Leste alkansa ninia objetivus dezenvolvimentu.

Vizita ida ne’e mak hanesan vizita ba dahuluk iha istória Timor-Leste. Onra ida ba Timor Leste bainhira Grupu Konsellu Diretoria hili atu sai uma-nain ba forum altu-nivel ne’e. Desizaun ADB bazeia ba faktu katak ADB ninia operasaun iha Timor-Leste transfere ona husi Departamentu Rejionál Pasífiku ba iha ninia Departamentu Rejional Sudeste Aziátiku. Mudansa ida-nee hasae liután Timor-Leste ninia vizibilidade iha rejiaun ne’e no reafirma liután Timor-Leste ninia aspirasaun atu adere ba ASEAN.

Vizita ba dahuluk neebe Timor-Leste mak sai uma-nain, sei envolve diskusaun polítika no tékniku balun, entre diskusaun hirak nee, iha aprezentasaun husi Misaun Rezidente ADB iha Timor-Leste kona-ba kontextu istóriku no ekonomiku país Timor-Leste no mós ADB ninia projetu pasadu, prezente no futuru. Grupu Konsellu Diretoria ADB, liu husi plataforma virtuál, sei vizita no rona aprezentasaun husi Instituisaun Estadu relevante, neebe nia informasaun detalla sei konfirma iha tempu tuir mai.

Enkuantu iha nivel Ezekutivu, Grupu Konsellu Diretoria sei hasoru malu ho Ministru Finansas, Rui Augusto Gomes neebe mos hanesan Governadór reprezenta Timor-Leste iha ADB, no liña ministériu relevante sira seluk, ajensia autonomu, parseirus dezenvolvimentu no mós setor privadu.*

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: