Toos Nain Hatama Produtu Iha Loja

Durante iha situasaun surtu Covid-19, toos nain iha munisipiu kontinua hatama sira nia, produtu lokal ba loja agrikultora Timor Plaza, Dili. (Foto: STL/Jacinta Sequeira)

DILI, STLNEWS.co – Durante iha situasaun surtu Covid-19, toos nain iha munisipiu kontinua hatama sira nia, produtu lokal ba loja agrikultora Timor Plaza, Dili. Kestaun ne husi Manajer Loja Agrikultura Timor Plaza, Aniceto dos Reis ba STL, iha loja agrikultura Fatuhada, Dili, Sesta (08/01/2021).

“Iha loja agrikultura Timor plaza,toos nain sira neebe mak hatama sira nian produtu,lao normal kuaze lor-loron, covid-19 nee ita hatene katak, moras neebe mak la diak,maibe ita nian toos nain sira buka mos tempu uituan lori mai hatama sira nian produtu mai iha loja agrikultura Timor plaza ninia,sira tama tuir prosesu neebe mak iha,oinsa sira prepara produtu iha uma no mai iha laran,” dehan Aniceto.

Nia dehan, produtu neebe toos nain sira hatama,hanesan produtu alimentasaun ninia, hanesan fos, batar, no seluk, hortikultura ninia, hanesan modo,aifuan no seluk tan, produtu neebe mak toos nain sira hatama nafatin.

“Ita nian produtu neebe mak iha,hatama mai husi ita nian toos nain sira,liu-liu ita nian Munisipiu sira neebe mak rejistadu ona atu hatama sira nian produtu lokal mai iha loja agrikultura iha TP, hau hanoin parte modo ninia,nee mai husi Maubessi, Aileu no seluk tan,neebe hasae produsaun,” dehan nia.*

Reportajen: Jacinta Sequeira/Madalena Horta
Editora: Carme Ximenes

LEAVE A REPLY

Please enter your comment!
Please enter your name here