DILI, STLNEWS.co – Negosiante aileba Sebastião Ricardo hatete, governu bandu ema hotu iha uma deit, maibe moris iha mundu laos milagre tur mosu mai deit.
Governu liu husi Konsellu Minsitru deside implementa Konfinamentu Obrigatoriu (KO) iha Munisipiu Dili, ema hotu hakmatek iha uma, halo tuir desizaun saida mak governu foti.
Nia dehan, nuudar sidadaun halo tuir regra neebe governu no estadu implementa, tanba ba ema hotu nia saude, maibe nia impaktu nee ba aileba oan sira dala ruma hasoru terus bei – beik.
“Tanba governu mak taka hela deit, ita koalia lolos katak moris iha mundu laos milagre, tur iha uma mosu deit,” preokupasaun nee hato’o husi negosiante aileba, Sebastião Ricardo ba STL iha Lecidere, Sesta (27/08/2021).
Nia dehan, maibe depende ba ita nia estadu, tanba ita laos atu kontra, maibe iha nasaun ida tenke hakruk nafatin ba governu, haree mos ba nesesidade ami nian
“Ita sente triste nafatin moris iha mundu laos milgare mosu deit, bainhira tur iha mosu deit, KO diak, maibe labele kleur, se lae impaktu ba ami nia moris loron – loron nian,” tenik nia.
Nia informa, KO impaktu ba rendimentu, tanba ema hotu iha uma transporte publiku la halo movimentu ema ladun sosa, kuandu ema hotu lao livre ona ema sosa barak aifuan neebe nia faan.*
Reportajen: Joaninha Belo/Blandina Mauno
Editor: Ekipa STL
