DILI, STLNEWS.co – Suku Kolmera, Postu Administrativu Vera Cruz, Munisipiu Dili, komunidade uma kain hamutuk 436 sei simu sesta bazika.
Tuir Xefi Suku Kolmera Armenio A. da Costa hatete, komunidade uma kain hamutuk 436 sei simu sesta bazika, neebe kompanhia mai foti ona dadus, maibe seidauk hatene bainhira mak simu.
“Maski seidauk simu, maibe hau hakarak hatete too agora simu kritika iha fatin balun, tanba sasan neebe distribui ba komunidade la tuir item neebe iha,” dehan nia ba STL iha knaar fatin, Kuarta nee (27/07/2022).
Nia dehan, Suku Kolmera kompostu husi aldeia rua mak Aldeia Manu Fuik no Aldeia Rai Nain, uma kain hamutuk 436 no total ambitante 2.610.
Nia haktuir, kada item ho folin US$ 50, maibe implementa la tuir saida mak koalia iha neeba, sasan neebe liu prazu ona hanesan koto, kuandu nia matan sai ona nee aat ona.
Iha parte seluk, Xefi Suku Bairu-Pite, Joao Batista da Costa Belo hatete, programa sesta bazika hahu distribui iha suku balun, kompanhia balun mai koalia ho hau simu sesta bazika maibe seidauk simu, tanba parte governu seidauk tur hamutuk fo hatene autoridade sira, nunee nian husu kompanhia sira atu distribui tuir item neeba iha hodi tuir komunidade nian hakarak, tanba komunidade idak-idak simu nia direitu US$ 50,” hakotu João.
(joa)
