UNDIL Apoiu Nesesidade Baziku Ba Vitima Inundasaun

Universidade Dili (UNDIL), apoiu nesesidade baziku ba vitima inundasaun sira neebe evakua iha Parokia Santa Terezinha do Menino Jesus de Bedois. (Foto: STL/Blandina Mauno)

DILI, STLNEWS.co – Universidade Dili (UNDIL), apoiu nesesidade baziku ba vitima inundasaun sira neebe evakua iha Parokia Santa Terezinha do Menino Jesus de Bedois.

Magnifiku Reitor UNDIL, Jose Agostinho da Costa Belo hatete, relasiona ho akontesimentu udan boot mosu inundasaun iha loron Sabadu too Domingo iha fatin hotu-hotu, tanba nee UNDIL hanesan universidade privadu husi fundasaun too dosente sira sente akontesimentu nee laos planu ema ida nian, maibe mosu ba ema hotu.

“Tanba nee mak ami mesmu kiik oan kbiit laiha maibe ami sente ho fuan laran, ami hakarak mai serve ho hanoin, neebe foin ba uluk iha Balide tanba komunidade balun iha neeba, ami apoiu netik laos tanba UNDIL nia sasan maibe ho fuan neebe iha. Tanba komunidade sira nee ita nia familia, nee mak ami ho laran fo netik apoiu ruma para sira alevia netik,” dehan nia Jose ba jornalista iha Parokia Bedois, Kuarta (07/04/2021).

Reitor Jose dehan, UNDIL ninia misaun laos deit atu hanorin ema maibe iha servisu komunikadu tanba nee mak haree hela no servisu ho suku sira, iha posibilidade ba uma sira neebe mak hetan afetadu bele apoiu katak, sei laiha osan maibe ho forsa neebe iha bele ajuda hodi halo netik buat ruma.*

Reportajen: Blandina Mauno
Editor: Domingas Gomes

LEAVE A REPLY

Please enter your comment!
Please enter your name here