UNICEF Apoiu Maskra 19.736 Ba MEJD

DILI, STLNEWS.co – Ohin Kinta (10/06/2021), UNICEF apoiu maskra hamutuk 19.736 ba Ministeriu Edukasaun, Juventude, no Desportu (MEJD), liu husi Edukasaun Munisipiu Viqueque.

“Ohin Kinta, Edukasaun Munisipiu Viqueque hetan apoiu maskra husi UNICEF fo maskra hamutuk 19.736, tanba nee ami sei fahe ba estudante sira iha ensinu pre eskolar no EBC neebe mak iha ami nian Munisipiu Viqueque rasik, apoiu neebe mak husi UNICEF fo nee bele fasilita ita nian estudante sira, tanba nee maskra sira nee ami sei fahe ba ita nian estudante sira iha eskola, hodi uza ba prevensaun ba pandemia Covid-19, tanba nee ohin ita simu ona maskra husi UNICEF,” dehan Direitor Edukasaun Munisipiu Viqueque, Emidio Amaral ba STL liu husi telefone, Kinta (10/06/2021).

Emidio hatete, maskra fahe ba estudante sira nee too hela, tanba uluk husi Carnitas Baucau ou Catholic Relief Service (CRS) fo ona maskra hamutuk 20.000, neebe mak sira fo apoiu mai iha semana kotuk, purtantu estudante sira sei hetan hotu, kada estudante hetan maskra 2, total pre eskolar iha Munisipiu Viqueque hamutuk 1.954, no EBC 20.061, ho ida nee ohin husi UNICEF apoiu maskra hamutuk 19,737, maibe husi CRS apoiu maskra iha semana kotuk hamutuk 20,000.

Nunee mos, Diretor Eskola Sekundariu Jeral no 4 de Setembru Balide, Sergio A.da Cruz dehan, uluk prosesu aprendizajen lao nee sira mos hetan apoiu maskra, maibe agora atividades ensinu aprendizajen mos laiha, tanba sei iha faze serka sanitaria ba pandemia Covid-19.

“Ami hetan maskra, atu nunee bele atende ba ita nian estudante sira no professores sira hotu, neebe durante nee iha eskola, tanba maskra neebe eskola hetan apoiu, nee atu fahe ba ita nian estudantes no professor sira, ami hetan apoiu maskra husi Edukasaun, maskra kaixa boot nee lima, maibe ami uza hotu ona, agora hela deit kaixa ida ho balun,” nia informa.*

Reportajen: Jacinta Sequeira
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: