Uza Osan Kreditu Halo Negosiu, Modo La folin

DILI, STLNEWS.co – Negosiante ne’ebé faan modo iha Terminal Tasi Tolu, barak mak uza osan kreditu hodi halo negosiu faan modo, maibe la folin, nune’e rendimentu laiha.

Tuir Negosiante Maria do Santos Soares katak, durante numeru Covid-19 aas iha rai laran, govenru estabelese Estadu Emerjensia (EE), Serka Sanitaria (SS) no Konfinamentu Obrigatoriu (KO), halo rendimentu povu kiik menus ba beibeik, no aat liu tan mak uza osan kreditu mak halo negosiu, tanba ne’e laiha rendimentu, susar selu osan kreditu.

“Durante tinan barak nia laran, ami buka moris iha lona okos deit, Covid-19 mai seran halo ami la hetan rendimentu, susar tebes atu selu fila ema nia osan ne’ebé ami kredit hodi buka moris, uluk numeru Covid-19 seidauk makaas, ami selu kreditu lalais, maibe agora araska tebes, faan modo komprador laiha, dala ruma modo sai kinur lori ba fohan animal deit,” dehan nia ba STL, Tersa (28/09/2021) iha Terminal Tasi Tolu.

Nia  afirma, uluk rendimentu diak, loron ida bele hetan to’o US$ 40, maibe ikus ikus nee la sosa, tanba governu estabelese hela SS no KO, tanba ne’e halo rendimentu laiha, susar tebes atu selu osan funan, tanba kreditu mak hodi negosiu, sekarik governu halo hela deit hanesan ne’e, bele fo mate ba povu kiik ne’ebé moris ho fila liman.

Iha fatin hanesan, Joana Amaral (negosiante) hatutan, modo ne’ebé sira faan rai to’o dodok ema la sosa, dala ruma osan inan mos lakon hotu, tanba sosa hela modo halo barak, maibe komprador menus, tanba nee rendimentu loron ida hetan deit US$ 5 mai karaik, osan ne’e la sufisiente atu sustenta uma laran.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...