Via Sakra Negosiante Hetan Rendimentu Diak

DILI, STLNEWS.co – Dalan Kruz husi parokia Maria Auxiliadora Komoro ba too Kruz Tolu Golgota, fo rendimentu diak ba negosiante sira neebe faan sira nia sasan iha estrada ninin.

Tuir Jacinta da Costa (Negosiante) hateten, rendimentu diak tanba sarani sira neebe mai tuir via sakra nee, balu lori kedas bee husi uma no balu mai mak sosa iha nee, liu – liu bee agua no biskuit sira nee.

“Ohin ami hetan rendimentu diak, tanba ami nia sasan neebe faan iha dalan ibun ida nee folin tebes, maski sasan sira nee ami faan nahe deit ida dalan ibun, maibe ema barak maka sosa liu – liu bee, tanba sae ba too kruz tolu nee dook, no ita bele hamrok, tan nee lori kedas bee,” dehan negosiante nee ba jornalista Sesta nee (15/04/2022) iha Golgota.

Nia mos afirma liu tan katak, sasan neebe faan iha nee labarak, hanesan agua, es buah, fore rai tasak, saburaka no biskuit, maibe ema sosa barak liu maka bee agua, tanba ema sei halo viasakra ba too Kruz Tolu Golgota, tan nee rendimentu diak.

Tuir observasaun STL nian iha terenu haree katak, wainhira sarani sira atu sae ba too iha Gruta, ema barak maka sosa kedas bee, hafoin lao sae ba via sakra, no negosiante barak maka faan bee iha estrada ninin, no mos negosiante ai leba sira leba mos sira nia produtu, tanba atu hetan rendimentu.

(mad)

LEAVE A REPLY

Please enter your comment!
Please enter your name here

NEWS UPDATE

Profile Padre Francisco Fernandes

Edisaun ohin ita sei ho Padre Francisco Soares Fernandes, ai fuan domin husi aman Domingos Fernandes no inan Isabel Soares, oan ba dala uluk...

Afetadu Covid-19, Horta Nia Amigu Diak Husi Nova Zelandia La Partisipa

DILI, STLNEWS.co - Prezidente eleitu Dr. Jose Ramos Horta hatete, Ministru boot ida husi Nova Zelandia nia kolega diak tinan 30 ona, ministru boot...

Asidente Iha Bekora, Vitima Mate Fatin

DILI, STLNEWS.co – Asidente trafiku kareta tanki tula mina ida husi kompania Realistric Fuel, la iha sapa matrikula ho motor Revo ho sapa matrikula 3668...