Xanana Borong Modo, Negosiante Kontente

DILI, STLNEWS.co – Negosiante Elisabet Colo kontente tanba lider karismatiku Kay Rala Xanana Gusmão borong hotu nia modo hodi fahe ba komunidade Maslidun.

“Hau sente kontente, tanba modo neebe hau faan Avo Nana mai borong hotu, hodi fahe ba komunidade Maslidun, karik lider nee la borong maka modo tahan sira nee ami bele faan too loron tolu ou hat maka foin hotu, tanba nee ami kontente tanba foin ba sosa modo iha Terminal Tasi-Tolu lori too mai, Avo Nana mai borong liu kedas hodi fahe ba komunidade sira. Ba ami negosiante konsideira aktus neebe Avo Nana halo nee hanesan grasa boot ida, tanba ami nia modo Avo Nana borong hotu, loraik ami bele ba sosa fali tan,” dehan negosiante Elisabet Colo ba STL, Domingo (09/05/2021) iha Maslidun.

Nia mos afirma liu tan, durante serka sanitaria modo tahan la folin, tanba nee rendimentu mos ladun barak, loron ida bele hetan deit $10 dolar, i dala ruma mos la too, se modo kompletu ema bele sosa too $10, karik modo la komp)etu, loron ida hetan deit $5.

Tuir observasaun STL nian iha terrenu haree katak, modo neebe Xanana borong iha negosinate nee modo oin-oin, hanesan tempe, aifarina tahan, lakeru ukir, koto maran, kankung, aidila tahan, aidila fuan, nomos modo tahan sira seluk.*

Reportajen: Madalena Horta/Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: