Xanana Fahe Aihan Ba Madre Canossiana – Seminarista Fatumeta

DILI, STLNEWS.co – Lider Karismatiku, Kay Rala Xanana Gusmão kontinua apoiu aihan baziku ba Madre Congregasaun Canosiana Lecidere, Dili no Padre sira no seminarista iha Seminariu Maior Fatumeta Dili.

Apoia aihan hanesan fos 20 kg hamutuk saka 12, foremungu karon 3, koto karon 1, mina bimoli litru 5 kaixa 1 entrega direta hosi, Sekretariadu Apoia Solidaridade, Kay Rala Xanana Gusmão nian, Tomas do Rosario Cabral ho ekipa ba reponsavel Madre Canosiana Lesidere, Terezinha Gusmão iha sira nia rezidensia.

Ekipa mos kontinua viajen ba Semináriu Maior Fatumeta, Postu Administrativu Don Aleixo, Dili hodi entrega tan foos saka 20, mina bimoli 5 liter kaixa 1, foremungu karon 1, no koto karon 2.

Apoia hirak nee simu direta husi Padre Eduardo de Almeida no Padre Abito Jose Brites hodi hatoo agradese ba domin neebe oferese husi Lider Istoriku Xanana ho ekipa emprezariu Timor oan sira.

Padre Eduardo introdus katak, dadaun nee padre sira no seminarista 200-liu maka hela iha Seminário Fatumeta- Dili hodi halao sira nia estudu espiritual no area edukasaun oin-oin.

Nai lulik nee konsidera, aihan neebe oferese husi XG nuudar grasa ida husi Nai Maromak, tanba durante ne’e sira mós presiza tebes aihan bele fasilita sira nia nesidade konsumu iha moris loron-loron nian.

Iha fatin hanesan, Tomas do Rosário Cabral informa apoiu nee oferese husi Lider Nasional Xanana hodi tulun povu, inklui madre no padre sira neebe presiza aihan.

Nia dehan, tuir los apoiu atu oferese husi lider nasional Xanana, maibe tanba ohin okupado ho servisu ho ekipa X-Team Tasi Tolu komesa sobu ona ekipamentu sira iha Tasi Tolu, tanba nee labele partisipa.

Hahu kedas iha tinan 2020 liuba, bainhira Timor-Leste luta hasoru propagasaun surtu COVID-19, Xanana halao kedas viajen ba Munisipiu sira ho apoiu setor privadu Timoroan no internasional lori apoia aihan baziku fahe ba vitima dezastre, idozu abitante sira neebe sofre moras difiensia hodi bele tulun sira nia nesesidade. *

Reportajen: Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: