Xanana Husu Sidadaun Firme Luta Kontra Problema Sosial & Covid-19

DILI, STLNEWS.co – Bainhira selebrasaun ba loron restaurasaun independensia ba dala XIX, lider istóriku Kay Rala Xanana Gusmão husu sidadaun Timor-Leste, atu kontinua hamriik firme hodi hakat hasoru problema sosial no ameasa Covid-19 iha Timor-Leste. Hatete Xanana bainhira selebra festa independensia hamutuk ho povu iha Tasi Tolu, Maslidun, Kinta (20/05/2021).

“Ohin loron ita rai infrenta problema tolu, ida maka COVID-19 nee, rua maka konsekuensia husi dezastre naturais neebe akontese iha ita rain no ida mak problema politiku. Iha Dezembru 2001, halo eleisaun ba Asembleia Konstituente hakerek Konstituisaun-RDTL sai nuudar mata dalan ba estadu bele hamriik no bele halo saida, no labele halo saida. Ida krize politika, COVID-19 no problema sosiál no ekonomiku ne’ebé populasaun tomak hasoru, mais ha’u fiar katak, ho aten barani nafatin, povu nee hatudu tiha ona iha tinan 24 nia laran, ita sei halo ho di’ak,” informa karta komunikadu neebe STL simu Sesta (21/05/2021) nee.

Xanana dehan, problema dezastre naturais neebe akontese halo povu sofre iha moris too balun lakon vida, aumenta tan ho problema COVID-19 halo povu labele bokan atu halo atividade negosiu neebe bele sustenta sira moris.

Tuir eis Primeiru Ministru Xanana nia haree, tinan ida ona Timor-Leste hasoru ameasa COVID-19 halo povu moris susar no hamlaha, tanba labele halo atividade negosiu sira atu bele sustenta vida moris no ekonomia uma laran.

“Agora atu tinan ida ho balun tan ona, ita iha hela konfinamentu obrigatóriu, serka sanitária ho sesta bázika, nune’e hela de’it. Ita labele bokan, dala ruma hosik modo tahan tama mai, ikus mai dehan labele tama, populasaun maka sente susar tebes iha moris lor-loron ninia,” nia preokupa.

Nia hatete, ba dadaun nee, povu balun komesa enfrenta hamlaha no ameasa hosi COVID-19, maibé Xanana fiar katak, povu sei hakat liu dezafiu sira ne’e hanesan esperensia ne’ebé hatudu durante funu naruk tinan 24.

Xanana haktuir, uluk kedas ona nia sosializa COVID-19 ba povu nu’udar problema ida seriu atu povu labele mate barak hanesan rai seluk nian.

Iha parte seluk, eis Prezidente Repúblika 2002-2007 nee dehan, krize politika militár 2006/2007 iha kotuk hatudu mós lisaun aat no diak ba povu atu hamutuk nafatin hadia nasaun ne’e sai diak liu tán. Ba povu Timor-Leste, Xanana husu atu labele haluha mós istória funu iha pasadu luta maka lori nasaun nee ba ukun aan no Timoroan tenki metin hodi hakat dezafiu sira harii estadu ida neebé metin no respeita regra no norma konstituisaun.

Xanana dezafia povu Timor-Leste atu tuur hamatek kontribui ba paz hodi lori nasaun no povu sai hosi mukit. Husu ba joven sira atu harii unidade no hadia hanoin no katuas no ferik sira fó hanoin nafatin ba joven sira katak, bainhira lolo liman balu, haree diak, mak bele hetan ba progresu ba denvolvimentu.*

Reportajen: Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: