Xanana Ukun Nakonu Ho Baniben

DILI, STLNEWS.co – Setor privadu labele hatoman aan ho paun midar, baniben, no masin midar, tanba buat midar kuandu laiha maka hahu hakilar. Lider karismatiku Xanana Gusmão nia ukun fo buat hotu mesak midar, maibe Taur nia ukun aperta sintu halo metin laiha masin midar.

Kestaun nee fo sai husi Prezidente Comisaun Organizador Asembleia Jeral Kooperativa Agro Industria Pioneer, Rui Castro ba STL iha Sentru João Paulo II Comoro, Sesta (30/04/2021).

“Maun Xanana ukun tinan sanulu (10) halo ema hotu hetan baniben no masin midar, tanba nee ema ida la hakilar, maibe maun Taur nia ukun ho sintu neebe aperta, halo ema hotu hakilar, tanba setor privadu sira hatoman aan tiha ona ho buat neebe gampang, tanba nee foin aperta sintu nee uituan sira komesa hakilar, tanba nee husu setor privadu sira atu labele hakilar iha momentu ida agora,” dehan Rui.

Tuir Rui Castro katak, lolos setor privadu labele halerik dehan impase ho Covid ameasa setor privadu, tinan 10 Xanana Gusmão fo ona masin midar ho baniben, maibe setor privadu la halo re-investimentu ida, Taur nia ukun foin aperta deit sintu tinan ida ka rua, ema hahu halerik ona, lolos nee labele.*

Reportajen: Madalena Horta/Joaninha Belo
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Hasai Imunidade Anabela, Olinda: $40 Deit Lalika Hatan Ba Tribunal

DILI, STLNEWS.co - Parlamentu Nasional (PN) hasai ona imunidade deputada bankada FRETILIN Anabela Savio, atu hodi ba hatan iha tribunal relasiona ho kazu mina....

Situasaun Covid-19, HNGV Kama Mamuk Barak

DILI, STLNEWS.co - Ho situasaun pandemia surtu Covid-19 neebe oras nee Timor-Leste hasoru, halo pasiente barak mak la mai halo tratamentu iha Hospital Nasional...

Familia La Simu Matebian LM Tara Aan Mesak, Teofilo: Hau Hein Rezultadu Investigasaun

DILI, STLNEWS co - Familia husi matebian Lebenita Madeira neebe deskonfia tara aan iha nia rezidensia Bebonuk nee sira la simu, tanba nee husu...
%d bloggers like this: