Xefe Suku Hae-Coni Lamenta Ho Sesta Bazika Husi CLN

BAUCAU, STLNEWS.co – Xefe Suku Hae-Coni, Luis Oliveira lamenta ho sesta bazika neebe fornesedor Centro Logistiku Nasional (CLN) distribui ba populasaun iha Suku Hae-Coni, Munisipiu Baucau la tuir promete.

Kestaun nee hatoo husi Xefe Suku Hae-Coni, Luis Oliveira ba STL liu husi telefone, Tersa (29/06/2021).

“Populasaun lamenta tebes, tanba governu promete ba ita dehan kada ema ida hetan $50 maibe sasan nee la too, neebe sasan sira neebe mai nia folin nee konta ba ema ida masimu nee $35, signifika katak kada ema ida governu foti hela nia $15,” dehan Xefe Suku nee.

Nia hatutan, bazeia ba sasan neebe mak CLN fahe iha Suku Hae-coni konsidera hanesan governu foti hela populasaun nia osan $15, nunee sura ba total populasaun neebe iha suku nee governu foti hela $39.490.

Iha fatin hanesan, komunidade husi Aldeia Batata, Suku Hae-Coni, Apolinario Antonio de Oliveira hateten, sasan sesta bazika neebe mak too iha suku Hae-Coni atu distribui ba populasaun sira realidade la tuir kriteria neebe mak governu aprova kada ema ida $50.

“Aihan sesta bazika neebe mak too daudaun ami nia suku iha governu neebe mak aprova kada ema ida $50, maibe realidade aihan hirak neebe mak too iha ami nia suku la too kriteria neebe mak governu aprova, ami sente ida nee iha failansu” katak komunidade nee.

Nia hatutan, sasan sesta bazika neebe mak CLN distribui iha Suku Hae-Coni mak hanesan masin falun 5, pepsodent 2, fos MTCI 25 kg, mina 5 litru, foremungu, fore keli, susuben Dancow falun 10, sampo, rinso, no sabaun falun 6.*

Reportajen: MJ-1
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (26 Jullu 2021): Pozitivu 6, Rekoperadu 45, & Ativu 656

DILI, STLNEWS.co - Loron 26 fulan Jullu liu Centro Integrado Gestão de Crises, Sala Situação (CIGC-SS) rejistu kazu pozitivu Covid-19 iha nain 6, Dili...

Demisaun Membru PNTL 3, PN Rekonese Bazeia Ba Regulamentu

DILI, STLNEWS.co - Parlamentu Nasional (PN) liu husi komisaun B neebe trata asuntu defeza seguransa no negosiu estranjeiru rekonese demisaun membru Polisia Nasional Timor-Leste...

Komisaun F Seidauk Aprova Projetu Lei Protesaun Ba Labarik

DILI, STLNEWS.co - Parlamentu Nasional (PN) liu husi Komisaun F trata asuntu Saude, Seguransa Sosiais no Igualidade Jeneru, seidauk aprova projetu lei protesaun labarik...
%d bloggers like this: