Xefe Suku Husu Governu Fo Subsidiu Ba Kada Familia

DILI, STLNEWS.co – Xefe Suku Colmera, Armenio Aleixo husu ba governu atu fo subsidiu ba kada familia iha tempu serka sanitaria no konfinamentu obrigatoriu, tanba ema hotu iha uma.

“Serka sanitaria no konfinamentu nee governu haree didiak no estuda didiak, tutuir lolos nee governu tenki fo subsidiu agregadu kada familia tanba ema hotu iha uma, lahalo atividade neebe sira labele hetan osan,” dehan Armenio da silva ba STL, iha nia knaar fatin, Sesta (07/05/2021).

Nia dehan tan, bainhira komunidade sira lasai husi uma hodi halao sira nia atividade ida nee maka sai preokupasaun ba sira.

“Bainhira ema hodi sulan aan iha uma, se governu latau matan nee oinsa, servisu hotu-hotu taka, aat liu maka sira lahetan osan, ita iha sentimentu hanesan umanu nee nee oinsa,” tenik nia.

Nia informa, rai Timor nee lulik, buat neebe katuas sira halo iha mota kuak no tun foho sae foho nee dehan odamatan nee kuandu taka nee taka ona. Nee maka dehan rai Timor nee lulik.

Nia esplika, durante serka sanitaria no konfinamentu obrigatoriu komunidade balun mai iha sede suku hatoo sira nia preokupasaun ba xefe suku.

Antes nee mos observador politika UNTL, Camilo Ximenes dehan, konfinamentu obrigatoriu nee dehan ema labele sai husi ninia area servisu nian, kuandu antes deside ida nee saida maka knaar importante neebe maka ema ida-ida tenke halo no governu mos tenke halo.

“Konfinamentu obrigatoriu nee ita lasai husi uma, saida maka governu presiza tenki oferese aihan ruma ba ninia ema sira, makanismu oferese nee tenki ho adekuadu,” katak nia.*

Reportajen: Natalina Lopes
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP1

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 1: Drama Kakaluk Ba Corona https://youtu.be/VQBkF8ES8GE • dr. Odete Maria Freitas Belo,...

TL Seidauk Tempu Ba Expo Dubai

DILI, STLNEWS.co - Timor Leste atu partisipa iha Expo Dubai, maibe haree ba situasaun agora povu sofre ba situasaun Covid-19 no kalamidade, tanba nee...

Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co - Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun...
%d bloggers like this: