XG – Intelektual Manatuto Kontinua Distribui Aihan Ba Vitima Dezastre 1.087

DILI, STLNEWS.co – Ekipa Gabinente Apoiu Atividade Maun Boot, Kay Rala Xanana Gusmão reprezenta Lider istoriku ho intelektual Manatuto iha Dili no rai liur, kontinua halao distribuisaun aihan baziku ba vitima afetadu inundasaun hamutuk 1.087 iha munisipiu Manatuto.

Liu husi karta komunikadu neebe STL simu iha loron Sesta (16/04/2021), haktuir Administrador Postu Administrativu Laclo, Samuel Rodrigues Pereira konsidera apoiu solidaridade neebe fo ba vitima sira, nuudar asaun umanu tulun vitima sira, bele ultrapasa susar neebe sira enfrenta.

“Aihan baziku fos, mina, supermie, ikan sardina, naan karau, susubeen no sasan baziku seluk tan fahe direta ba vitima afetadu iha Manatuto Vila inklui suku lima (5) hanesan, Suku Uma Kaduak, Lacu Mesak, Uma Naruk, Laicore no Uma Caduak ho aldeia haat hanesan, Hahihino, Condar, Reabuticoen no Ilimanu neebe pertense ba area juridisaun Postu Administrativu Laclo”, katak Administrador Laclo nee, bainhira simu apoiu umanitaria iha fronteira Manatuto, Dili, no Metinaro, Kuarta (14/04/2021).

Nia dehan, asaun solidariedade ida nee hetan apoiu masimu hosi kolega ekipa lider istoriku, Kay Rala Xanana Gusmão, amigu no jerasaun Manatuto liu-liu Laclo oan sira neebe hela iha Dili no rai liur iha hamutuk ema nain 37 ho hanoin diak, hodi organiza malu apoiu tuir sira idak-idak nia kbiit hodi tulun vitima afetadu sira.

Tuir nia, dezastre natural neebe akontese iha semana nee, 03 – 04 Abril 2021 liuba halo mota konsege lori ema nain sanulu (10) no ema nain haat (4), too agora buka seidauk hetan no vitima nain haat hetan ho kondisaun sei moris, enkuantu vitima nain rua hetan ho kondisaun mate.

Nia esplika, vitima sira neebe mota lori kompostu hosi Suku Uma-Kaduak nain sia (9) no Suku Uma-Naruk ida (1). No vitima sira neebe mota lori balun hela iha uma toos laran neebe besik mota ninia mak hanesan:
• Joana Bui Pelu
• Francisco Noronha
• Odete de Araújo
• Madalena Gomes
• Ajanu Noronha
• Emilia Gomes
• Marquito D. S. Pinto
• Deniz Noronha
• Malicau Soares
• Angelino da Silva

Enkuantu ba vitima sira neebe mota lori seidauk hetan ema nain haat ho naran:
• Emilia Gomes
• Mariquitu D. S. Pinto
• Madalena Gomes
• Odete de Araújo

Nia informa, vitima sira neebe mota lori no konsege buka hetan ho kondisaun sei moris mak hanesan:
• Francisco Noronha
• Deniz Noronha
• Ajanu Noronha
• Milcon Soares

No vitima mota lori ho kondisaun mate ona honaran:
• Joana Bui Pelu
• Angelino da Silva/Mamodo

Dezastre nee afeta estraga mos infraestrutura baziku hanesan estrada no ponte kiik balun kotu, kanu bee moos, rin eletrisidade monu, no irigasaun kotu total.

Reportajen: Guilhermina Franco
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Rede Feto Triste, Feto Sai Vitima

DILI, STLNEWS.co - Rede Feto Timor Leste triste hodi asiste sitausaun realidade, neebe akontese halo feto sai vitima ba situasaun moris iha familia, liu...

Hasoru Susar, Penhor Oan; Konsidera Krime, Presiza Investiga

DILI, STLNEWS.co - Relasiona ho inan neebe penhor nia oan atu selu uma kos, Prezidente Parlamentu Nasional (PPN), Aniceto Guterres konsidera tama kategoria krime,...

Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun; EP2

STLNEWS.co – Publisidade Husi Ministério dos Assuntos Parlamentares e Comunicação Social (MAPCOMS) Konaba Covid-19 & Vasinasaun • EPISODE 2: Drama Stop Bullying https://youtu.be/GDfSwKsB-gQ • Mensagen Avo Horta https://youtu.be/YPnLzaLb43E • Mental Health https://youtu.be/Ow3-hgXPryE •...
%d bloggers like this: