5 de outubro de 1910: Instaurasaun rejime replikanu iha Portugal no nia impaktu iha Timor

Dom Carlos Filipe Ximenes Belo (Photo: STL News)

STLNEWS.co – Hahú tinan 1140 to’o 1910, iha Portugal, sistema governu ne’ebé iha mak Monarquia. Iha monarquia bainhira liurai ida mate, nia oan mak sa’e fali. Iha regime republikanu se mak ukun mak prezidente republika, ne’ebé povu mak hili. Iha tinan 1910, liurai neébe ukun Portugal, mak Dom Manuel II. Nia aman Dom Carlos, ema republikanu sira mak oho, hamutuk ho príncipe dom Filipe. Iha loron 5 fulan outubro, tinan 1910, organizasaun ne’ebé halibur ema republikanu, karbonáriu, no masóniku, halo revolusaun no hatun tiha liurai Dom Manuel II, hodi taka dalan ba regime monárkiku no loke dalan ba regime republikanu.

Iha loron 8 fulan ne’e, ministro da Justiça Afonso Costa haruka aplika leis desde marquês de Pombal nia tempu atu espulsa Ordens Religiosas; rejime foun, iha buat ba-rabarak nia let, estabelese separasaun Estado/Igreja. Buat ida tan mak sira halo: duni sai Companhia de Jesus hosi Portugal no ninia kolónia sira. Iha 1910, iha Timor, governador ne’ebé Monarquia hili mak naran Alfredo Cardoso Soveral Martins. Tan ba rejime foun, nia husik Timor no fila ba Lisboa. Rejime repblikanu fo aprovasaun atu foi Filomeno da Câmara Melo Cabral hanesan governador foun iha Timor. Emboot ida ne’e mak sei halu funu hasoru Dom Baoventura, liurai Manufaih, iha tinan 1912.

Iha Timor, Governu hala’o serimónia ida atu hato’o ba populasaun katak iha regime foun, naran REPÚBLICA no Presidente da República. Serimónia ne’e halo iha loron 30 fulan Outubru tinan 1910. Nuné sira mos troka bandeira: halot bandeira Monarquia nian (mutin no azul ou biru), no uza fali bandeira matak no mean (verde e vermelha ou verde-rubra); Medida ida aat liu, mak haruka sai hosi Kolónia Timor padres Jesuitas no Irmãs Canossianas.

Amo lulik jesuíta sira tama Timor iha tinan 1899; sira kaer Koléjiu Soibada. Madre Kanosiana sira tama Timor iha 1879; sira serbisu ba edukasaun labarik feto nian iha Dili, Bidau, Manatuto no Soibada. Tan ba de’it orden hosi Lisboa, Governu iha Timor, ho dekretu 31 de dezembro 1910, husu padre no madre sira atu sai hosi Timor. Ho dekretu ne’ebá, governu hadau uma (edifício) ne’ebé padre no madre sira serbisu ba; maibé sira mos la hatene katak uma sira ne’ebá la pertense ba Ordem Companhia de Jesus no la pertense ba kongregasaun kanosiana, maibé, propriedade dioseze nian, ne’ebé amo Bispo entrega ba padre Jesuitas no Irmãs Canossianas atu hala’o knar edukasaun foin sa’e timor.

Hatutan pajina 2

LEAVE A REPLY

Please enter your comment!
Please enter your name here