6 de Setembro de 1999

Uma naran Paço Episcopal, iha Lecidere ne’e rezidénsia ba amu Bispo sira. Wainhira Dom Jaime Garcia Goulart fila hosi Australia iha fulan Dezembru 1945, nia ba hela iha Lahane (iha hospital Dr. António Carvalho leten ba). Ikus mai Dioseze sosa uma ida, hosi ema indianu hosi Goa, iha Lecidere. Hadi’a tiha, Amu Bsipo Dom Jaime ba hela iha ne’ebá. Paço Episcopal Lecidere inaugura iha 1953, ho Dom José da Costa Nunes, Patriarca de Goa nia prezensa. Sasan iha Uma laran, hanesan mobliáriu, loisa, kuadru “Ultima Ceia”, padre Profirio Campos mak sosa, retaru boot amu Bispo sira nian: Dom Jaime Garcia Goularr (pintura Dr. Luís Costa)t, Dom José Joaquim Ribeiro, Mons. Mortinho da Costa Lopes no Mons. Carlos Filipe.

Hanesan Câmara Eclesiástica, iha Paço Episcopal, Dioseze lakon buat barak: dokumentu istóriku, livru, revista, jornal, mobiliáriu, etc.

Iha loron ne’e, iha rai-ikun/loro monu, Misaun Suai hetan mos dezastre boot. Ema assalta Misau ho di sunu uma kreda, rezidénsia no oho amu-lulik na’in tolu: padre Hilário Madeira, padre Francisco Soares no Tarsisius Dewanto, S.J. Timor-Leste manan liberdade no independénsia, maibé lakon ema barak.Buat hirak ne’e ita konta atu jerasaun tuir mai lable haluha.

Lisboa, 7 de setembro de 2020
Dom Carlos Filipe Ximenes Belo

LEAVE A REPLY

Please enter your comment!
Please enter your name here