AMU-LULIK WALTER van WOUWE, SDB

Dom Carlos Filipe Ximenes Belo (Photo: STL News)

STLNEWS.co – Iha tuku rua dader, oras Europa sentral, loron 16 fulan agostu, tinan 2020, mate iha Bélgica, mau-lulik Walter van Wouwe, ne’ebé uluk serbisu iha Timor-Leste, hahú tinan 1981 to’o 1997.

Ninia aman naran Angelus van Wouwe no inan naran Martha Boghgraef. Nia moris iha loron 6 fulan juñu tinan 1932 iha Bazel Waas-Belgica. Hakarak tuir Dom Bosco, ne’e duni joven Walter tama noviciado iha Groot-Bijgaarden, loron 2 fuan setembru tinan 1953. Halo tiha profisaun relijioza dahuluk, halo estajiu ka tirosiniu iha Groot-Bijgaarde. Tuir mai, tama servisu militar iha Aallst-Luik iha tinan 1958. Sai hosi tropa hala’o tan estájiu iha Oud-Heverlee.

Nia husu atu sai misionáriu, ne’e duni superior sira haruka ba Vietname, iha Tuc-Duc. Iha ne’ebá salesiano Walter halo profissaun perpétua (15.8.1961). Hala’o tirosíniu iha Orfanto, iha Govap. Tuir mai, nia fila ba Belgica atu simu ordnasaun ba amu-lulik, iha loron 8, fulan Dezembru, tinan 1962, iha fatin Oud-Heveree. Iha tinan 1963, padre Walter tuir Kursu Lumen Vitae, iha Jett, hahú tinan 1963 too 1964. Fila fali ba Vietname, sai katequista no ekonomo iha Thu Duc (Saigão). Iha tinan 1972, sai diretor iha Comunidade Govap.Tanba forsa komunista avansa ba Saogão, sira espulsa padre Walter.

Nia fila ba Belgica hodi tuir kursu iha Brugge, no hela iha Sint-Denijs Westren. Iha neb’ebá nia hanorin katekeze. Iha tina 1978, superior sira haruka ba Filipinas, no hela iha Tondo (Manila). Iha tinan 1982, padre Walter hop padre Rolando Fernandez simu surat obendiensia atu ba serbisu iua Timor Timur. Hahú loron 15 fulan janeiro 1982 to’ o loron 15 de dezembro 1982, padre Walter hela iha parókia Baucau hodi tulun padre Manuel Magalhães no padre João de Deus. Hahú tinan 1983, padre Walter simu obediência atu sai diretor iha Lospalos. Iha ne’ebá nia hela to’o fulan jullu 1991.

Iha paróki Lospalos, padre Walter ho entuziasmu tomak fó moris foun ba SARANI NO JOVEN SIRA. Vizita estasaun misionária sira; hadia igreja Saun Paulo iha vila Lospalos; harii rezidénsia foun ba salesianos sira; harii no loke orfanato ba oan kiak sira; tau matan ba Colégio Fuiloro; harii rezidénsia no igreja iha Iliomar.

Kontinua ba pagina 2

LEAVE A REPLY

Please enter your comment!
Please enter your name here