Jejum Refere Ba Intensaun No Komprimisiu Hapara Halo Sala

    Padre Richardo Pasang, SVD. (Foto: STL/Emerenciana Pinto)

    DILI, STLNEWS.co – Jejum laos assuntu fiziko ou laos halimar ba maromak no laos han hemu maibe refere ba intensaun e kompremisiu atu hapara ema halo sala no hahalok aat sira.

    Kestaun nee hatoo husi Direitor da Uma Formasaun SVD Batugede, Padre Richardo Pasang, SVD liu husi refleksaun diaria katolika Sesta Feira (19/02/2021) depois de cinzasliu husi saun ISAIAS 58 : 1- 9.

    “Loron ida ohin, ita rona leitura neebe koalia kona ba jejum, Profeta Isaias, iha Primeira Leitura sublina kona ba esensia de jejum katak laos ba assuntos fisico, laos atu hakilar ba Maromak, laos deit ba han no hemu, maibe refere ba intensaun e komprimisiu atu hapara halo sala, para halo aat, para husi hahalok kaan-ten, para husi despotismo (kelaliman) no nakfilak-an ba moris santo.” hatete Padre Richardo.

    Padre hatutan Jejum relasaun ho kestaun kompaisaun hanesan fo han ba ema neebe hamlaha, fahe hatais ba ema neebe la iha hatais, prepara hela fatin ba ema neebe la iha fatin hodi hela, visita ba moras sira, konsola ema neebe terus, nakloke-an ba ema maluk sira iha buat hotu, etc.

    “Profeta Isaias haklaken mai ita kona moris loos o iha Maromak nia futar oin no evita, falsa piedade‟ (kesalehan palsu) no hamoris verdadeiro piedade (kesalehan sejati). Profeta Isaias proklama ba ita kona ba sentidu jejum lolos tuir Maromak nia hakarak Harahun kadeia sira be la tuir lialos nian hakore tiha ema serbisu nain sira nia talin fo liberdade ba ema sira be ema hanehan, hasobu tiha hotu ikun sira be oi-oin, fahe o nia aihan ho ema neebe hamlaha fo uma ba ema kiak sira neebe horik fatin la iha fo hena ba ema neebe o haree lao luan, keta fila kotuk ba o nia maluk. O halo hanesan nee, o nia naroman sei mosu hanesan rai hun mutin, o nia kanek la kelur deit sei sai diak. O nia justisa sei lao uluk iha o nia oin, iha o nia kotuk. Maromak Nia Gloria lao tuir o. O bolu karik, Maromak sei hatan ‘Hau Mak nee’.” hatete padre nee.

    Iha Evangelho, João nia escolante sira mai iha Jesus hodi husu tan basa Jesus nia escolante sira la halo jejum, Jesus dehan ba sira katak objetivu final husi jejum mak besik ho Maromak ho Nia ukunfuan tomak, Signifika kata jejum halo ema hakbesik liu tan ho Maromak wainhira ema halo tuir Nia ukunfuan tomak.

    “Jesus hatudu katak Nia escolante sira besik ho Nia, apriende no hanorin sira kona ba Evangelho, Iha tempo nee, ita bele dehan katak Jesus “bulan madu” (lua de mel) ho Nia escolante sira wainhira sira halao jejum ho lolos, Nee duni, wainhira ita halo jejum ho lolos iha tempo Quaresma nia laran, ita sei bulan madu ho Maromak.” tenik nia.

    Padre mos reza no husu ba maromak atu husu nia esperito santo akompanha ema hotu iha tempu Quaresma nia laran atu bele halo Jejum ho diak no lolos, para husi hahalok aat sira, para husi toman aat sira neebe estraga an no mos maluk sira, Laran luak ba ema neebe terus, hamlaha, hamrook, moras no mos alienado husi sosiedade.

    A maior descoberta de todas as idades é que uma pessoa pode mudar seu futuru simplesmente mudando sua attitude!” (Oprah Winfrey) (Penemuan terbesar dari segala zaman adalah seseorang dapat mengubah masa depannya dengan mengubah sikapnya) hakotu nia.*

    Reportajen: Emerenciana Pinto
    Editor: Ekipa STL

    LEAVE A REPLY

    Please enter your comment!
    Please enter your name here