O Significado Da Viagem Apostólica Papa Francisco Iha Iraq

O SIGNIFICADO DA VIAGEM APOSTÓLICA
PAPA FRANCISCO IHA IRAQ

A fé é fortalecedora e encorajora!
Iha situasaun siguransa incerteza nebe Nasaun Iraq infrenta no mos situasaun pandemia Covid-19 nebe sa’e maka’as; Papa Francisco halo Visitasaun Apostolica ba Iraq hanesan viagem Apostolica Internasional ba dala 33, wainhira nia assume cargo nu’udar Papa Igreja Catolica. Informasaun inisial antes Papa halo nia visitasaun ida ne’e akontese dez ataques com foguetes (roket) ba base military iha Ain al-Asad, Provinsia Anbar. Situasaun ida cheio de tensaun no prekupusaun. Maske situasaun real Iraq nune’e, la impede plano Papa Francisco atu visita Nasaun Iraq. Papa Francisco dehan,”Tenha o desejo de visitar a terra de Abraão, os mártires da Igreja e aqueles que estão sofrendo”. (Hau hakarak visita rai Abraun, martires Igreja sira no mos sira nebe terus). Ne’e duni, visitasaun ida ne’e, Papa indiretamente fo hanoin fali ita sarani catolica historia Testamento Tuan wainhira Abraun rona Maromak nia lian iha cidade Ur – Tell-el-Muqayyar (Iraq de sul), fanu mos ita nia hanoin tomak sacrificio martiro Igreja Iraq no mos husu ita hotu atu bele hatudu ita nia solidaridade ba ema Iraq sira nebe terus tan problema oi-oin nebe mosu iha Iraq.

Iha nia audensia publico; 3 de Marco 2021, Papa Francisco dehan: “Da tempo desidero incontrare quell popolo che ha tanto sofferto; incontrare quella chiesa martire nella terra di Abramo”. Papa apresenta nia hakarak atu visita povo sira nebe terus, marka nia presensa iha sira nia leet, iha rai Abraun ida ne’e. Papa Francisco la tauk, nia la hakiduk ho situasaun nebe amiasa. Papa Francisco fiar katak Maromak mak boot liu buat hot-hotu. Nia fiar katak Maromak rasik mak nia Protector ba nia Viagem Apostolica ida ne’e. Papa mos hakarak atu selu povo catolico Iraq sira nia esperansa atu hasoru lider ultimo Igreja Catolico Roma nu’udar successor husi Papa João Paulo II nebe la bele tama momento neba tan problema serio siguransa.

Confirma os coraçãos e a fé dos cristãos!
Visitasaun Apostolica Papa Francisco ba Iraq iha tempo Quaresma iha ninia signifikado espesial katak haforsa no hametin fiar sarani kristaun Iraq nebe moris iha situasaun incerteza tan atake husi grupu radikalismo no mos pandemia covid-19 nia laran. Populasuan Iraq tomak moris la hakamatek. Sira moris iha situasaun tauk nia laran. Sira moris la livre. Ne’e duni, Papa Francisco nia presensa iha sira nia leet haforsa sira nia fuan, hametin sira nia fiar, hamoris domin no esperansa iha povo Iraq nia leet. Papa nia mensagem furak wainhira nia sama ain iha Iraq katak “Hau mai nu’udar peregrino ida nebe arrepende atu husu perdua no rekonsiliasaun husi Maromak tan funu no terorismo tinan barak nia laran. Husu Maromak haraik konsolasaun no rekuperasaun ba fuan nebe kanek. Hau mai iha imi nia leet nu’udar peregrine dame. Imi hotu mak hau nia maun-alin. Hau mai nu’udar peregrino dame no paz atu hari’i fraternidade hodi hakarak reza hamutuk no lao hamutuk ho maluk sira hotu nebe mai husi tradisaun ou religiaun la henesan iha tenda okos Abraun nian nebe hametin unidade Muslimano, Judeu no mos Kristaun sira iha familia ida deit!

Hametin no Hari’i Unidade no Fraternidade!
Visitasaun Papa Francisco ba Iraq sai peregrinasaun historico ba Nasaun Iraq tan ba primeira-ves Lider Ultimo Igreja Catolica visita Nasaun ida nebe maioria Musulmano. Nasaun Iraq valorisa katak visitasaun Papa Francisco importante tebes hodi hatudu ba mundo tomak katak Iraq mak Nasaun ida nebe nakloke-an ba desenvolvimento moris paz, dame no justisa. Maske, visitasaun Papa ne’e iha situasaun incerteza maibe, Papa Francisco nia presensa lori esperansa hodi hari’i no hametin unidade e fraternidade iha povo Iraq sira leet. Papa Francisco nia presensa atu hametin unidade no fraternidade nu’udar familia boot ida iha tenda okos Abraun nian.

Agenda visitasaun ida nebe preparado mak visitasaun ba rate, iha cidade Najaf, cidade Ali bin Abu Thalib (Khalifah IV Muslimano, primo Muhamad, SAW), fatin ema hakoi Ali bin Abu Tahlib. Iha fatin ida ne’e, Papa Francisco sei hasoru malu no halo dialogo ho Ayatollah Ali Sistani, teolog muslimano konhesidu iha Syiah Iraq. Iha fatin ne’e mak Papa ‘construindo uma civilização de diálogo entre crentes religiosos’. Papa Francisco ‘construir uma ponte entre o Vaticano e um país de base Islâmica’.

Agenda ida seluk tan nebe importante tebes mak visitasaun ba cidade Ur-Tell-el-Muqayyar, cidade ou fatin moris Abraun, Aman Nasaun hanesan hakerek nanis iha Livro Genesis 11 : 31. Iha cidade Ur-Tell-Muqayyar, Papa Francisco sei reza hamutuk iha kontestu no espiritu dialogo entre religiaun. Ne’e mak Papa Francisco nia esperansa katak “insieme con gli altri leader religiosi, faremo anche altro passo Avanti nella fratellanza tra i credenti” (sempre iha esforsu no esperansa atu hakat passu ida ba oin, hamutuk ho lider religioso sira atu bele hari’i fraternidade entre religiosos. Keta iha duvidas, suspeisaun ou assustado nebe sei harahun paz no dame, domin no justiza e mos fraternidade” dehan Papa Francisco.

Mensagem importante Visitasaun Papa Francisco ba ita povo Kristaun Catolica mak hari’i metin unidade no mos haburas fraternidade entre povo religiaun sira. Povo Catolico iha obrigasaun atu hari’i dialogo entre religiaun iha ita Nasaun ida-idak inklui mos ita nia Nasaun Timor Leste. Papa Francisco indiretamente husu ita hotu atu kolabora hamutuk ho Lider Nasaun no mos Lider religioso sira atu bele hari’i no desenvolve paz, dame, justiza no fraternidade iha povo sira leet.

Maromak haraik bensaun ba Papa Francisco no mos haraik bensaun ba ita hotu!

Uma nota rápida da Fronteira!
Direitor da Uma Formasaun SVD Batugede,
Pe. Richardo Pasang, SVD

LEAVE A REPLY

Please enter your comment!
Please enter your name here

NEWS UPDATE

Sakoko Involve Aan Iha Mundu Filme

BAUCAU, STLNEWS.co - Kombatentes Albino da Silva Kodigu Sakoko, involve aan iha mundu filme hamutuk ho joven Teatru Tebedai (FILTEDA) Baucau, halo produsaun filme...

Estrada Kotu Total, Ameasa Sede Suku Libagua

BAUCAU, STLNEWS.co - Relasiona ho tempu udan iha loron 4 fulan Abril liu ba, estrada diresaun Larifanu too Igreja Samalari kotu total, hodi fo...

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...
%d bloggers like this: