Perfíl: dr. Nilton do Carmo da Silva

STLNEWS.co – Mane bonito ho naran kompletu dr. Nilton do Carmo da Silva, SpOT, MBiomed, moris iha tinan 1980 iha Postu Administrativu Venilale, Munisipiu Baucau, ai fuan domin husi aman Jose do Carmo da Silva no inan Isabel da Silva.

Oras nee dadaun forma uma kain ho Mafalda Marques S.E., husi domin neebe mak sira kuda, Maromak haraik grasa hetan ai fuan domin nain haat (4) mak hanesan Jose Nilton do Carmo da Silva, Derie Crysanders do Carmo da Silva, Isabel Chloe do Carmo da Silva, no Mafaldina Auxilia Jayne do Carmo da Silva.

Nivel Estudu:

  • Eskola primaria: SDN 4 Bemori, Dili, (1992)
  • Eskola pre-sekundaria iha SMPN 1 Dili (1995)
  • Eskola sekundaria: SMAN 2 Dili (1998)
  • Universidade foti Medico Geral; Fakuldade Medicina, Universitas Wijaya Kusuma Surabaya, Indonesia (2001-2008)
  • Espesialista Ortopedia & Traumatologi, Fakuldade Medicina, UDAYANA Bali, Indonesia (2011 – 2016)

Hobi (Hobby):

  • Futebol
  • Basket (uluk)
  • Fitness/Gym

Durante halao estudu, dezafiu neebe mak doutor Nilton hasoru iha prosesu mak finanseiru tanba dook husi familia, limitasaun financas. Maske hasoru dezafiu, maibe lahamate nia vontade hodi estudu too remata.

Maske hasoru dezafiu iha nia estudu, maibe ikus nia mos hetan vantajen. Aleinde eskola aprende buat barak iha sosiadade e agora aplika iha servisu mos.

Bainhira doutor Nilton remata nia estudu iha tinan 2008 hanesan Medico Geral, servisu iha Hospital Referal Baucau, depois kontinua halao fali iha Hospital Nasional Guido Veladares (HNGV).

Antes asume kargu Kordenador Pilar VII husi Sentru Integradu Jestaun Krize (SIJK), doutor Nilton halao uluk atividade ou servisu hanesan Medico Espesialista Ortopedia & Traumatoligia iha HNGV no Diretor Nasional Apoio Servisu Hospitalar, Ministerio de Saude.

Esperensia Servisu Seluk:

  • Membru OSIS iha SMA (eskola sekundaria)
  • Membru Senat Mahasiswa nomos Badan Eksekutif Mahasiswa (BEM) iha Universidade
  • Data entry iha UNAMET/UNTAET
  • Projetu Banco Mundial, programa Community Empowerment Project (CEP)
  • Halo pratika espesialista iha klinika DMC
  • Hanorin iha Instituto Ciensia Saude (ICS) Dili.

Pozisaun Agora
Agora dadaun asume kargu hanesan Koordenador Pilar VII Covid-19, haree liu ba jestaun kazu mak hanesan tuir mai nee:

  1. Garantia fatin ba pasiente Covid-19
  2. Garantia asesu ba ekipamentus mediku neebe apropriadu, nunee mos ho aimoruk
  3. Maneija rekursu humanu ba fatin izolamentu
  4. Regularmente halao kapasitasaun ba pesoal saude.
  5. Hamutuk ho mediku HNGV no AMTL haree ba protokolu jestaun kazu
  6. Regularmente halo koordenasaun ho parseiru dezenvolvimentu hodi bele reforsa servisu pilar VII nian.
  7. Hola parte mos koordenasaun servisu iha Sentru Integradu Jestaun Krize (SIJK)
  8. Haree mos ho servisu auto-izolamentu no ambulansia ba Covid-19
  9. Hola parte mos iha Jestaun Orbitu Covid-19
  10. Koordenasaun ho Diretor Hospital Referal no Diretor Servisu Saude Munisipiu, haree ba servisu Covid-19 nunee mos servisu regular.

“Covid-19 situasaun nebee foun no la iha planu hahu inisiu too agora, no ho situasaun nebee ita iha, aleinde servisu aprende mos buat barak iha area jestaun,” hatete doutor Nilto.

Haree ba numeru Covid-19 neebe mak kada loron aumenta, doutor Nilton husu sidadaun hotu katak atu prevene an husi moras nee mak presiza simu vasina hodi hasae imunidade atu luta kontra moras nee. “Husu komunidade sira atu nafatin simu vasina hodi prevene an husi moras,” katak nia.

Nunee mos Kordenador Pilar VII husi Sentru Integradu Jestaun Krize (SIJK) nee, husu pasiente sira neebe mak pozitivu Covid-19 karik ba izolamentu tenke hakmatek no deskansa barak, nunee bele rekupera husi moras nee, tanba oras numeru kada loron kontinua aumenta.

“Mensajen mak nee, pasiente ba neeba nee ba izolamentu nee ema neebe mak sintomas, nee presiza duni deskansa, tanba nee mak karik balu sente diak hakmatek, nunee ema seluk bele deskansa tanba ho deskansa mak bele melora diak ho rekuperasaun” katak nia.

No fatin neebe mak pasiente sira halo izolamentu ba, mediku sira kontinua halo kontrola ba pasiente sira no kontinua korajen oinsa bele rekupera husi moras nee.*

Reportajen: Emerenciana Pinto
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: