QUARESMA E MENSAGEM PAPA FRANSISCO

    Pe. Richardo Pasang, SVD. (Foto: Espesial)

    STLNEWS.co – Hanesan tinan-tinan, Papa Fransisco fo mensagem Quaresma ba sarani iha mundo tomak hodi akompanha sarani sira iha sira nia viagem retiru boot durante loron haat nulu nia laran husi Quarta-fiera de Cinzas ate Domingo Ramos. Tinan ida ne’e, Papa Fransisco mos hato’o nia mensagem Quaresma ba sarani Katolika mundo tomak baseia ba ‘um pedaço de verso’ Evangelho Mateus 20 : 18 hanesan introdusaun. “Agora, ita hotu ba Jerusalem”!

    Quaresma: Tempo atu renova Fé, Esperansa no Domin!

    Saida mak interesante husi mensagem Papa Jorge Mario Bergoglio ne’e? Relevansia no refleksaun teologia saida husi mensagem Papa ba moris hamutuk iha tempo pandemia covid-19?

    Fé, Esperansa no Domin!

    Mensagem Papa Fransisco focus liu ba virtude teologia principal tolu: Fé, Esperansa no Domin. Papa husu ba ita sarani tomak atu renova ita nia apresiasaun ba fé, alkansa husi we esperansa moris no simu ho fuan nakloke domin Maromak nian.” Tamba sa virtude teologia principal tolu ne’e importante??

    Primeiro: Fé é algo que deve ser mantido com firmeza. (kaer metin ita nia fé). Maibe ita tenke purifika nafatin fé laos deit liu husi orasaun no jejum maibe mos liu husi refleksaun ba doutrina sira nebe laos ba ita nia-an rasik maibe nakloke ba situasaun real fora husi ita nia-an rasik. Tan ba, fé mak kestaun pessoal maibe apresiasaun da fé sempre iha ita nia moris hamutuk.

    Segundo: Esperansa iha situasaun defisil; importante tebes! Ema barak iha situasaun pandemia covid-19 no mos pandemia social sel-seluk moris iha susar nia laran. Ema barak monu iha situasaun desesperansa. Balun sente katak la iha ona dalan atu bele sai husi situasaun pandemia ida ne’e nebe naksobu hotu dimensaun moris ita ema nian. Maibe, pandemia covid-19 halo ita foti liman no lakon? Dezastre covid-19 está tudo acabado? Se lae! Saida mak halo ita metin nafatin iha situasaun hanesan ne’e?? Papa Fransisco husu ita hotu sarani tomak fo importansia hari’i esperansa iha situasaun ida ne’e. Iha situasaun disifisil sei iha rasaun hodi espera. Esperansa nebe laos depende no konsentra deit ba ita ema nia kbiit maibe esperansa nebe depende ba Maromak; Doador de Vida!

    Sekuando, ita depende deit ba ita nia kbiit durante ne’e, tempo agora to’o ona ba ita hotu atu sadere no hatur Maromak nu’udar sentro no objetivo moris principal ita ema nian. Ba Maromak, ita nia esperansa la saugate. Maibe, dependensia ba Maromak laos hamate ita nia potensia ratio (daya berpikir). Maibe, fé-fides e ratio (akal budi) hari’i metin sira nia kontribusaun proporsionalmente hodi haklean liutan ita nia fiar no sensitivu ba realidade moris. Papa Fransisco dehan: “Iha tempo difisil nune’e, wainhira buat hotu desamparado (tak berdaya) e incerteja, karik desafia ita atu koalia kona ba esperansa. Maibe, tempo Quaresma mak tempo esperansa, tempo diak ida atu bele fila fali ba Maromak nebe sempre kuidadu no pasiensia ba criatura tomak nebe durante ne’e la dun hetan atensaun diak”. Maske nune’e, karakteristiak esperansa laos deit vertical. Ita percisa mos fo esperansa ba ita nia maluk sira. Esperansa construtiva nebe simples no fo ksolok laos ho aksaun boot no fenomenal. Hahalok sira nebe simples hanesan: attitude diak ba ema, hamnasa ba kolega ou maluk sira, hato’o liafuan nebe fo entuasismo ba ema, liafuan konsolasaun, liafuan motivasaun mak esperansa construtivu nebe ita hari’i ba ema iha situasaun defisil hanesan ne’e. Keta, iha situasaun difisil hanesan ne’e, ita hasai liafuan: hatun ema seluk, liafuan nebe fo terus, liafuan hirus ba ema seluk”.

    Terceiro: Domin mak espresaun konviksaun no esperansa altu. Ne’e mak confirmasaun importante husi Papa Fransisco. Papa Fransisco dehan katak domin hanesan ‘salto do coração’ (lompatan hati) nebe lori ema hotu sai husi nia-an rasik, sai husi egoismo no hametin domin ho maluk sira. Iha kontestu ida ne’e, ita bele kompreende domin hanesan presente gratuito husi Maromak no lingua universal nebe halo ema bele kompreende no fasil atu implementa. São Jose Freinademetz (Misionario primeiro SVD) dehan katak liafuan nebe ema hotu bele kompreende mak laifuan domin! Ema hotu bele hadomi, kompreende no espresa nia domin. Espirito domin bele harahun antepara (sekat), dikotomia no lori ita bele hare’e ema seluk hanesan maluk ou maun-alin. Domin halo ita sai amigo laos inimigo. Dala ruma, domin bele lasu ita ba egoismo eksklusivu: hanoin-an rasik e grupo. Situasaun tempo agora husi ita atu bele implementa sentidu domin altruistiko nebe destinado ba ema seluk nia diak nebe la ho diskriminasaun. Papa hateten ida ne’e ho liafuan: Domin Social! Papa hateten katak “atu bele esperensia Quaresma ho domin katak kuidadu ba ema sira nebe terus no sente mesak tan covid-19”.

    Quatro: Sarani Katolika valoriza tempo Quaresma nu’udar peregrinasaun arrependimento liu husi dalan: jejum, orasaun no fo esmola. Maromak husi ita implementa pontu tolu importante ne’e iha tempo quaresma bonum commune ou bonum social. Kona ba ‘fo esmola’, Papa Fransisco sugere katak esmola sira nebe ita oferese laos depende ba numero ou kuantidade boot ou kiik. Fo esmola simples maibe iha sentidu boot ba ema nebe simu. Ita nia laran luak sei sai ksolok se ita fo buat ruma ba ema seluk ho ksolok no simplisidade. Papa dehan, ”Ho buat nebe ita halo ho ksolok no simples sei sai barak hanesan ‘paun’ nebe bensa tiha, silu tiha no fo ba escolante sira hodi fahe ba ema barak”.

    Loron haat nulu mak tempo nebe badak, maibe oportunidade diak ida ba ita sarani sira tomak atu husik buat hotu nebe fo todan mai ita, lasu sira nebe la iha benefisio no costume sira nebe aat. Tempo Quaresma mak momento grasa atu ita barani leno no avilia ita nia-an: sei moris iha egosentrismo, apatismno no consume os bem do mundo mortal? Moris simples, empatismo no solidaridade ba maluk sira halo ita nia viagem Quaresma sai folin boot iha Maromak nia futar oin. Papa Fransisco dehan, ”Moris kiak no jejum, solidaridade, domin no empatismo ba kiak sira (fo esmola) no dialogo hanesan ‘oan kiak’ ho Aman Maromak motiva ita atu hala’o moris ho fiar lolos, esperansa moris no aksaun domin efektivo!”

    Ne’e duni, Papa hato’o nia hanoin tomak kona ba tempo ida ne’e mai ita atu ita bele hala’o tempo Quaresma ho konsensia fuan no laran tomak. Quaresma nebe ita hala’o laos problema ema ida ou grupu religiaun ida maibe quaresma mak aksaun nebe ita hotu bele halo. Quaresma mak tempo diak ida atu bele hetan valores morais no bondade universal. Quaresma mak oportunidade atu eduka ita hotu sai ema social, laos ema egois. Quaresma mak momentu metanoia, tempo arrependimento. Tempo diak ida mai ita atu buka hetan dalan hodi fila ba Maromak hodi renova ita nia identidade original. Ahu kdesan nebe ita simu no tau iha ita nia ulun simbolu katak ita ema fraku percisa Maromak nia kbiit iha viagem moris ne’e. Konsensia humana nu’udar ema fraku, halo ita hanoin katak ita nia moris la depende deit ba ita nia kbiit rasik maibe ita mak belun ba maluk sira seluk hodi fo tulun ita iha ita nia peregrinasaun moris iha mundo ne’e.

    Bom Quaresma – Bom Viagem iha Retiro 40 dias!
    Maromak haraik nia bensaun ba ita hotu!

    Batugede, 18 de Fevereiro 2021
    Direitor da Uma Formasaun SVD Batugede,
    Pe. Richardo Pasang, SVD

    LEAVE A REPLY

    Please enter your comment!
    Please enter your name here