SANTO AGOSTINHO, BISPO DE HIPONA

Ikus mai, Orden ka kongregasaun barak, mane no feto nian, harii ho Bispo Agostinho nia regra ou tuir nia karizma: Cónegos regrantes de Santo Agostinho, Agostinhos recolectos, Agostinho descalços no orden feminina lubuk ida. Iha istória Uma-kreda nian, iha monje ida ne’ebé moris hanesan monje agostiniano: Lutero! Ikus mai, nia husik orden ne’e, no sai hosi Igreja Católica, hodi fó orijen ba Reforma Luterana. Nune’e mos António de Pádua ka Lisboa, ne’ebé uluk tama orden Kónegu regrante de Santo Agostinho iha Lisboa no Coimbra, no ikus mai, nia husik tiha Orden ne’e, atu tuir fali orden fransiskanu, tuir Suan Fransisku de Asis.

Iha domíniu ka kampu Filosofia no Teologia, Santo Agostinho sai hanesan referénsia ba ema ne’ebé estuda. Ema estudiozu dehan, Agsotinho hetan inspirasaun hosi Platão; ikus mai nia influrnsía ema barak. Ema ne’ebeé tuir korrente agostiniana, balu sai santu boot balu filósofo ka pensadór: Isidoro (+630), Beda (+735, Alcuíno (+801), São Boaventura (1221-1274), Descartes (1596-1637). Malebranceh (1715), Bossuet (1627-1704), Fenélon 1651-1715; Blondel (1861-1949), etc.

Kuriozidade ida: Santo Agostinho dehan nanis: “ Si fallor, ergo sum”= “se me engano, porque existo” ou “engano-me, logo existo”. Descartes, filósofo francês dehan: ”Cogito, ergo sum”= “ Se penso porque existo” ou “penso, logo existo”.

Santu Agostinho mate iha loron 28 fulan Agostu tinan 430, ho otan 75.

Liafuan ikus: Iha mundu no iha Timor Loor Sa’e, ema foin sa’e barak la’o sala dalan, sai sala na’in ka pekadór; maibé, wainhira Na’i Maormak fó ninia grasa, no sira konverte, foin sa’e sira ne’e bele sai hanesan Santu Agostinho ka Saun Paulo.

Lisboa, 27 de agosto de 2020
Dom Carlos Filipe Ximenes Belo

LEAVE A REPLY

Please enter your comment!
Please enter your name here