SANTO INÁCIO DE ANTIOQUIA

Dom Carlos Filipe Ximenes Belo (Foto: STL)

STLNEWS.co – Santo ida ne’e disípulu Apoótolu Saun Joaun nian; nia mos konese Saun Paulo. Nia sai bispo dioseze Antioquia (Síria) entre tinan 68 hodi troka Saun Pedro), ikus mai bispo 100-117, iha Uma-Kreda Antioquia, too ninia viajen ba Roma, atu mate iha Coliseu (Roma). Tuir istoriadór Eusébio de Cesareia Inácio de Antioquia bispo datoluk ba Dioseze Antioquia; no tuir Orígenes, Inácio, bispo daruak . Iha tempu ne’e Antioquia, iha Síria, sidade importante tuir Roma no Alexandria. Iha imperador Trajano (98-117) nia tempu, ema halo perseguisaun maka’as hasoru sarnai sira. Iha Roma, kapital Imperiu nian, festa boot hala’u daudaun atu komemora vitoria Imperador Trajano hasoru ema dácio sira. Iha festa nia laran, sira halo jogu barak; ida mak soe sarani ba circo laran atu animal ka balada fuik han, tetak no oho ema mártir; animal ka fera mak tigre, leão, lafaek forai, etc. Iha tina 106, romanu sira selebra vitoria Imperador Trajano konform haktuir ona iha leten. Ba ida ne’e, sira halo festa iha loron 123 laran. Iha tempu ne’ebá, ema gladiador na’in 10 000 mak mate; animal fuik hamutuk 12.000 mak ema oho. No iha loorn 18, fulan Dezembru tinan 107, ema soe sarani nain rua, Zósimo no Rufo, ba balada fuik nia let, no sira mate duni hanesan mártir. Liu tiha loron rua sira mos soe amu Biispo Inácio de Antio ba balada fuik sira ne’e.

Wainhira Bispo Inácio halo viajen hosi Antioquia ba Roma , tuir dalan, nia hakerek surat ba komunidade sarani. Nia hakerek surat (carta) neen ba comunidade no surat ida ba Amo Bispo Policarpo.

Surat ba Policarpo de Esmirna; surat ba ema Efésio; surat ba ema iha Esmirna; surat ba ema iha Filadélfia ; surat ba ema iha Magnésia; surat ba ema iha Roma; surat ba ema Trálios.

Imperador haruka nia mate iha animal fuik nia fatin, atu fó ezemplu ba sarani sira, atu sira ta’uk no renega tiha doutrina kristaun no adora fali imperador no maromak Roma nian.

Wainhira ema atu oho nia, Inácio hateten sai liafuan murak hirak ne’e: – “Há’u Kristu nia trigu ne’ebe balada fuik sira nehan sei harahun”. Nia mos katak ba sarni sira molok atu mate, katak sei reza nafatin na sira iha Nain Maromak oin, iha Lalehan. Santu Inácio de Antioquia, harohan mai ami.

Lisboa, 14 de outubro de 2020
Dom Carlos Filipe Ximenes Belo

LEAVE A REPLY

Please enter your comment!
Please enter your name here