SÃO BERNARDO, Doutor da Igreja

Dom Carlos Filipe Ximenes Belo (Photo: STL News)

STLNEWS.co – Iha loron 20 fulan Agostu, Uma-Kreda halo São Bernado nia festa ka memória. Nia moris iha Fontaine-lez-Dijon, iha França, iha tinan 1094, e mate iha Clarval iha tinan 1153. Nia aman naran Tescelin le Saur, no inan, naran Aleth Montbard, hosi uma-kain dato sira iha Brogonha. Wainhira labarik Bernardo iha tinan sia (9), nia tama eskola iha Chantillon-sir-Seine, no ninia mestre mak amu-lulik kónegus sira. Sei iha Escola primária, nia hatudu katak nia labarik ida ulun mámar ka inteligente; nia mos ema ida ke “bonito” (ganteng), tan ba ne’e ema barak, liu liu feto oan sira fihir los nia…

Loron ida, wainhira nia iha tinan 20, iha loron inverno, nia hateke kleur los ba ema feto ida ne’ebé ‘formosa’. Atu hamate ahi ne’ebé mosu dauduan iha nia ulun no fuan, nia halai ba soe-aan iha tanke ida nakonu ho jelu. Loron seluk, ema feto aat ida simu Bernardo iha nia uma…no hakarak dada nia ba sala. Bernardo halai dook tiha dook hodi hakilar: “kaer nia, kaer nia, nia ema naok-tem”. Ikus mai, Bernardo hanoin iha lnia laran, katak, atu hadook-aan ba tentasuan hirak ne’e, fatin diak liu mak tama konventu.

Iha uma Bernardo buka matenek, ne’e duni, nia lee autores barak, hanesan, autór klássiku latino sira, hanesan Horácio, Virgilio.

Wainhira nia iha tinan 17, nia inan mate. Nia sai monje (rahib) ho tinan 20. Iha tinan 1098, frade ida naran Robert de Molesme husik tiha konventu inan Cluny atu harii konventu foun Citeaux (Cister). Konventu Cister foun ne’e nia abade ka superior mak Alberic, tuir mai, Estêvão Haring, ema inglés. Maibé, koventu ne’e susar hetan susar boot, tan ba la iha kandidatu, monje ka rahib foun. Iha tinan 1112, mosu Bernardo ne’ebé hakarak sai monje cisterciense.

Atu habarak liu tan moje sira, nia ba rekruta nia tio, maun alin no belun sira atu tama Cister. Sira hamutuk na’in 30: Bernardo nia tio rasik, naran Gaudry, nia maun Guy no Gérad, no alin André no Nivard; nia primo nain sanulu resin no belun nain 12. Sira halo tiha retiru ida iha Koventu Chantillon, sira deside tuir Jesus Kristu no sai monje cisterciense. Nun’e, hahú Ordem Cisterciense. Ema barak hakfodak, no bolu Bernardo:”bulak”.

Kontinua ba pagina 2

LEAVE A REPLY

Please enter your comment!
Please enter your name here