SÃO JERÓNIMO, Doutor da Igreja (30 de setembro)

Iha tinan 382, amo Papa Dâmaso konvida nia ba Roma. Iha sidade ne’ebá, Papa Dâmaso foti nia sekretáriu. Amo Papa mos husu Jerónimo atu halo revizaun ba Evangellu. Nia hatan: “há’u sei dedika tempu tomak atu halo revizaun tuir fontes (sumber) ne’ebé iha: manuscritus gregu no testu hebraiku”. Nia mos halo revizaun ba Salmos sira. Iha tinan 385, nia husik Roma, no liu ba Jerusalém. Ikus mai, nia liu ba Belém, hodi moris kleur iha rai ne’ebé Jezus moris ba. Nia hela iha Belém tinan 34. Iha tempu ne’e, Jerónimo halo revizaun ba versaun latina Antigo Testamento. Konforme hakerek iha kotuk, Saun Jerónimo husik hela mai Uma-kreda Bíblia iha Latin bolu Vulgata, ne’ebé Concílio de Trento fo sai katak auténtiku. Iha sékulu barak, Uma-kreda katólika uza Vulgata iha Missa no Liturjia.

Saun Jerónimu mate iha loron 30 fulan Setembru tinan 419 ou 420. Wahinhira ita ko’alia kona ba santu ne’ebé DOUTOR, iha tempu aluk, tuir livru Patrologia, iha Ocidente, iha Padres Ka Doutores Latinos: Jerónimo Doutor da Igreja, hamutuk ho São Gregório Magno, Santo Ambrósio, Santo Agostinho. Doutor sira hosi Oriente ka Padre Gregos, Doutor sira mak: mak ne’e: São João Crisóstomo, Santo Atanásio, São Gregório de Nazianzo, São Basilio. Maibé, Ikus ne’e santu doutor barak ona. Hamutuk 38.
Lisboa, 28 de setembro de 2020
Dom Carlos Filipe Ximenes Belo

LEAVE A REPLY

Please enter your comment!
Please enter your name here